MATTHEW 13:22 - BAIBEL (BSI)

²² Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

Sümi Tiqhelimi Bible

²² Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

Sumi Naga CL (Re-edited) Bible (BSI)

²² Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

MATTHEW 13:22 ပူးပေါင်းရင်းမြစ်များ

LESHELE 52:7

“Julo, timi hipauye Alhou ijehnikeu kumsu chemoe, ikemu pawu kinikulu shou pukhube, eno alhoksa kumla alau shinikeu kumsucheke.”

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

AHOLE 11:28

Khunono pawu kinikulu pukhu cheni keno ighuyiveno ighiqive nani ikemu amikuchomiye mutsu tsuni nipa toi kighishe wolu nani.

AHOLE 23:5

Owu pisaye aluqu lakhino achishibo ipeghi puzu yeuveke toi paikhavino tipaqo hauve luvike.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

JEREMIYA 4:3

AMPEU no Juda ngo Jerusalem lo akemi vilo piani. “Nolu hokidemokeu hokidelo; nongu piti pesu asahuli gholo yisu kevilo.

MATTHEW 12:32

Khualano ni Timi Nu shou kiuala pipuaghimu ti pevetsulu nani, ikemu khunono Aghungu Kimthe shou kiuala pini keno itehina itowu namu pevetsumla nani.”

MATTHEW 13:39

Aghumi khuno alupi yisuve keno tiye Tughamike; ghile huye hipayeghi kishekhani keu; eno ghile hukemiqoye kungumiqoke.

MATTHEW 13:40

Alupiqo xukutsu puzu ami lono pitike hutoi ayeghi kishekha keloghi tishi nani.

MATTHEW 13:7

Apiti hamino asahuqo gholo vesulu, eno asahuno thuwu ipeghi puzu tipaqo ghusuve.

Luke 12:15

Panongu vilo pano pi: “Jukuto lo, alakimine jeli kumtsu lono nonguno kutokupui lulo, kughengu timi lakhi kuxuye pano kiu papushi kinimi shi aghinamu pawu kuakinino nibonilei aghikeu pesu kupukulai luve ake kumoe.”

Luke 12:21

Kishekhaghi Jisu no pi, “Timi lakhino alikhi asala akini pekutsu lupaghi namu Alhou kudauye kumu kuha aye titoive nani.”

Luke 21:34

“Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

Luke 8:14

Asahu gholo khipaqo vesulu keno panonguye chiluvekemiqo, ikemu pano likhi pano puloulo cheche kelauye panonguye kumsukimghe keu, kinikulu ayeghi hipaulo ghakiqipuqono pa qhasuve eno panongu lothi akite shilupemoe.

Apostolmi 8:18

Kughou apostolmino a-u chhopesu bekeu vechewo Aghungu Kimthe tsukeu Simon no ithulukeno, pano pisa pesu pama tsupuzu

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

1 Kor. 1:20

Tishiaye asuqekithiu khile ani kya? Momu akighithiu khile ani kya? Momu hipa yeghilomi gholo kighe kithiu khile ani kya? Alhou no hipa yeghilomi suqekighithi pesu mbomzu shivetsuke kumo kesha?

1 Kor. 2:6

Tishimu akupululo tekhoyive kemiqo viloye asuqe kighithi tsa pesu picheni; ikemu tiye hipa yeghilo suqekighithi momu hipa yeghilo ayehkipemi kuka kumoe, tipaqo kukaye hauvenikeu kuka ke.

1 Kor. 2:8

Hipa yeghilo ayehkipemi lakhinomu hipau suqekighithi mthake. Panonguno hipau ithi ke aye panonguye akimthe jekipi Mipeu kros lo yedapithi moni cheke.

1 Kor. 3:18

Timi khumu alikhi ampi pishiqhi kepu kumoe. Nongu gholo khualano paye hipa yeghi gholalo asuqe kighithimi kepi kumsu aghi aye, paye asuqekighithimi kuchou shinike ghenguno mbomzumi lakhi shivekepue.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

2 Tim. 4:10

kughengu Dema ye hipa yeghi kimiyeuve puzu iqhivae eno Thesalonia lo wuvae. Kreska no Galatia lo wuvae eno Tito no Dalmatia lo wuvae.