MATTHEW 13:19 - BAIBEL (BSI)

¹⁹ Khunoqono Ayehkipe sutsa chilu puzu ti ithikuthumo nikeno tipanoqoye alalo apiti vesulu kemiqoe. Alhoksau huno ighi puzu tipanoqo mlolo apiti vesupuakeu muxa suwuve cheni.

Sümi Tiqhelimi Bible

¹⁹ Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

Sumi Naga CL (Re-edited) Bible (BSI)

¹⁹ Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

MATTHEW 13:19 ပူးပေါင်းရင်းမြစ်များ

AHOLE 1:7

AMPEU sukumsano akighithi hukuthuke. Mbomzumino alokutsu ngo akukutsu phimo gihumo cheni.

AHOLE 17:16

Kughuzumi ghenguno akighithi ithiniye pisa puwove akeu kiumu akivipu shini chemoe kughengu paye tile amlo tsu chemoke.

EZEKEL 31:18

“Asubo huye Ijip kukau ngo pawu timiqoke. Eden lo asuboqo namu titoi chuqumghai eno kije kumoe. Ikemu itehiye Eden suboqo toi tiye kithimi yeghiqhalo iqive nani eno mithemokemi ngo aghukishi lono thivekeqo gholo kumtsa acheuvenike. Ino piveake,” ipi Akughushu MPEU no pi.

MATTHEW 12:26

Ike Satan no Satan haphe napiaye pa likhi pa kijethave ani, tishiaye pa kukaqhaye kishi puzu puthugholuni kya?

MATTHEW 13:20

Atu akeu shou apiti vesulukeu huye asutsa hu chilu puzu mtazu alokivishi ti ikhilu kemiqoke.

MATTHEW 13:38

alu huye ayeghiqhake; apiti kivi huye Alhou yehkipe qholo akemi timiqoke; alupi huye Alhoksau qholo akemi timiqoke.

MATTHEW 4:23

Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

MATTHEW 5:37

Nono pikeulo vejoi ‘Iye’ momu ‘Moe’ ipilo; hinguno alau nono pikeu shiaye tiye Alhoksau launo ighikeu.

Mark 4:15

Alalo vepukuve keqoye khunoqo shou Atsa vesukeno panonguno ti chilu kemtsa Satan no ighieno panoqo lolo atsa vesupuakeu hu pewuvetsu.

Luke 10:9

tipa phughilo kusukinimi shipivilo, eno tile akeqo vilo pilo, ‘Alhou yehkipe ye nongu kupunu ighi anie!’

Luke 9:2

Panongu pelo Alhou yehkipe pesu asheshu eno akusu shipivi penike pano puwu.

John 18:38

Pilat no pa vilo pi, “Kiuno kuchou kya?” Pilat no hi piveno khalacheu Judami lau idepe eno panoqo vilo pi, “Niye pa pithive kepu akiqi kiumu phumlae.

John 8:43

Nonguye kushiye ino pikeu ithikuthumla kya? Hiye kutau ghenguno kumono nonguno ino pikeu tsa ininishimoe.

Apostolmi 17:32

Kithimi xuputhukeu tsa kughou panonguno chilu keno khamino pa junuqhi, ikemu khamino ishi pi, “Hipau vehu itaghi ninguno olauno chiluni shi anie.”

Apostolmi 18:15

ikemu hiye atsa ngo aje eno nongu yezah vehu kutsalakeu keke nongu likhi nonguno xathaluvelo. Niye hikithipu vehu kughatha amlae!”

Apostolmi 20:25

Ino ithi anike, nongu khunoqo gholo ino Alhou yehkipe pesu asheshu ache keno hinguno hilauye khilemu iju ithulumae.

Apostolmi 28:23

Ikehu panonguno Paul sasu ghulo lakhilo kushonikeu shi kihithave, eno panongu kutomo shesu Paul kungoalo ighi. Inaqhe lono putho kutolo pano pichekeu apasushi lhepiye, eno Alhou yehkipe ghili ashepe shi. Pano Jisu ghili pesu panongu pelo mutsuqheyi ithivepe nike pukaputsa ghi Muse yezah lo eno tungkupmino yepuakeu lono kichephepe piye.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 14:17

Kughengu Alhou kukaqhaye kuchu kusho vehuke kumoe ikemu Aghungu Kimthe no tsukeu mikucho ngo alakishi eno alokivi ishie.

Rommi 2:8

Ikemu khunoqono aghukhashini keno eno kuchou gholumo puzu akumou papewuni keno, Alhou no panoqo shou aloghu eno agha kighide lepuku nani.

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

2 Thes. 2:12

tishianguno khunoqono amikucho kumolo aghuiloqhiyi cheni eno kuchou pulu chemo keno tipaqo kileqhive niyeke.

IBRIMI 2:1

Tighenguno ningu kuchou jeli khije chiluve akeno tipaqo amlo tsuqhiyi kumsukutoju masae, tishianguno ninguye putosupe wuvemo nanike.

1 John 3:12

Ninguye Kain toikepu kumoe; paye Alhoksau laumike eno pa thikuzuu Abel heqhi pithiveke. Paye kushiye pa thikuzuu heqhipithive kya? Kughengu pa kumlaye alhoksake eno pa thikuzuu kumlaye achipi kehue.

1 John 5:18

Nino ithi akeuno Alhou tianuli shiluvekemiye axine shichemoke, ikemu Alhou Nu no pa khe acheni eno Alhoksau ye pa bumlae.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.