MATTHEW 11:28 - BAIBEL (BSI)

²⁸ “Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

Sümi Tiqhelimi Bible

²⁸ “Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

Sumi Naga CL (Re-edited) Bible (BSI)

²⁸ Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

MATTHEW 11:28 ပူးပေါင်းရင်းမြစ်များ

JOB 14:1

Totimino punukemi thaqhuye akijiksa eno alho ikhoke pachie.

JOB 5:7

Ikemu timiye aghichheghimelo punusu amisu mpa kelo ami no kunguu ye ikuve cheke toike.

LESHELE 116:7

Imlo, mutotoilo ithakevilo, kughengu AMPEU ye ilau alo achenike.

LESHELE 32:4

Putho pucho nono ighimeqhike, AMPEU; Thonitsaniyi akeu akulu tsala lono pugha puhave keshi ikumto qhaivae.

LESHELE 38:4

Ixineno iyimve puzu niye putsu qhiveni cheae; ape kimshi toi ighenguno mishilo kutu ani.

LESHELE 94:13

Kixikilami melunike aqoh lakhi chhumoke kutolo nono shiluksa tsala lono pa pelo akulho qhilu chenipeke.

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

YETSAPIU 1:8

Thwokha akunga kughapuke; tiye timino piphe khamlae. Anhethiye khilemu ju aghaqivekeu kuhae; akiniye khilemu chilukhave chemoe.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

ISAIAH 1:4

Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 28:12

Pano alokughuno eno akulho kiqhipu pesu nongu kumtsu lau tsuke ikemu nonguno pa gholuni keu milive ani.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

JEREMIYA 31:25

Khunoqo aghuthisu ani keno ino aghuthi puxu tsu nani eno akhuamzu lono miqemileive kemiqo kumtsu ino achuqupu pesu aghapiqitsu nani.

JEREMIYA 35:16

Jonadab tikughukomiye pano puasuno ahza panoqo tsu keu papelu ikemu no timiqoye igholumoke.

JEREMIYA 6:16

AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

MATTHEW 11:29

Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

MATTHEW 23:4

Panonguno akho kimishi khakumqo pesu timi xapipe cheni, ikemu panonguye a-u loti lakhimu chhopuwo tipaqo peqhe kuphunishi chemoe.

John 6:37

IPuh no itsukemiqo kumtsu ilau ighi nani, eno ilau ighikemiye khilemu hapheve moe,

John 7:37

Aghulhu shiakeulo atsala ashekhauno kumtsu nguno akhotou tsalake. Tipani Jisu no puthugho puzu ighamuku asheshu ghi pi: “Khukhumu tughuthi aghiaye, ilau ighieno yelulo.

Apostolmi 15:10

Imaye, nonguye kushiye Alhou pejughi kupulumiqo shou khikhi nipuasu momu ninguno puqhemlakeu makho pesu panoqo xapipe ani kya?

Apostolmi 20:35

Ino pulhapuju nongu shipiye chekeuno, shishe aghimeshi mlapuzu tomo-chhimokeqo kuphumasa, eno Ampeu Jisu ampino hitoi pipuakeu tsa kumsulu kepue, ‘Tsukeuno lukeu nguno akumghapue.’ ”

Galatiami 5:1

Khristo no ningu kuqhophevae. Tighenguno kuqhopheveke toi akumtoshi puthugholo eno itaghi aquaxemi makho lo kitime kithe kevilo.

2 Thes. 1:7

nongu nigholo aghime shiakeqoye pano alokughuno tsu nani. Hiye Ampeu Jisu no kungumi sasu kungugha lono ighi kelono tishi nani.

IBRIMI 4:1

Tighenguno Alhou lokughunolo ilokulupu shi aphi kepi piqhi puani. Ike alokughuno alo iloni keulo milakhinomu ikiqive nosake ninguye musa ani nolo.

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.