MATTHEW 10:28 - BAIBEL (BSI)

²⁸ Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

Sümi Tiqhelimi Bible

²⁸ Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

Sumi Naga CL (Re-edited) Bible (BSI)

²⁸ Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 10:28 ပူးပေါင်းရင်းမြစ်များ

KUKAMI AKINIU 17:39

Nonguye AMPEU nongu Lhou, igholumasa, tishi aye ino nongu ghumi u-lono nongu susholu nani.”

JOB 37:24

Tighenguno timino pa sumsa cheni, eno khunono alikhi ampi pesu alokutsue pini keno pano juchemoe.

LESHELE 119:120

Iphi ishino omsa kelauno khokhoshike; owu kughakutha ghenguno musakeuno ichhitoi ani.

YETSAPIU 5:7

Nono khijejehi asamo pumo aghina, khijejehi adou kumla nono shiaghi pina momu khijejehi atsa zale aghinamu noye Alhou sumsa moaye sake.

ISAIAH 51:12

AMPEU no pi, ‘Oshikumto chekeu huye nike. Nonguye kushiye thivenikuau timi musa cheni kya? paye atsuni nguno akushuu xuchemo ke.

ISAIAH 51:7

‘Nongu achipiuye kiu keno ithi akeqo, itsa inilo, ikukutsu nongu mlolo ithamono achepe kemiqo! Kughou timino nongu junuqhi eno thaighani keno musa kevilo;

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

MATTHEW 10:26

“Tishiaye, timi msakepu kuhae, kughengu pephe piyevemo nikeu kiumu nhape puamoe.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

John 5:29

tipaqono panoqo kumoki lono ipeghi nani: akivi mlapuakemiqoye akuxupulo xuputhuve nani, eno alhoksa mlapuakemiqoye kughakutha ghenguno xuputhu nani.

Apostolmi 21:13

Ikemu Paul no ishi ningu khochile, “Nonguye kiu shiepi hitoi shi puzu imlo shikighimetsu kya? Kughengu niye Ampeu Jisu je ghenguno Jerusalem lo akughushi ke likhi kumono thive nikeu kutolo khe anie.”

IBRIMI 10:31

Akuxupu Lhou ulo ikiqi ilolu keuye kumsakimishipu lakhike!

IBRIMI 11:35

Akupulu vechewo kithimi xuchile puthuvetsukeu totimiqo pelo ithulupe. Khamiye akuxu akiviulo xuputhu peniaye, kuqhopheve nikeu ghi milive puzu panoqo shikighime qhipeke.

James 4:12

Alhou likhino ayezah tsukeu eno kughakuthauke. Pa likhino xakulupu eno shipuhave kulupu anike. Ikemu noye khuu keno okusami shou kughathabe cheni kya?

1 Peter 3:14

Ikemu amikucho shikeu ghenguno nonguye aghime shikepushive namu tiye nongu ghenguno alokivipuke. Tipaqo msaichi akepu kumoe momu amloksa shikepu kumoe.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.