Mark 7:31 - BAIBEL (BSI)

³¹ Tithiu Jisu ye Tur qha lono cheveno Sidon vechesu Taun Chighi kudau Galil zughilo wuve.

Sümi Tiqhelimi Bible

³¹ Tisheno Jisü ye Tyre hokümxa qhive no Sidon vechesü Galilee züghi küdau iqi no Decapolis ko-aqha lo ilo.

Sumi Naga CL (Re-edited) Bible (BSI)

³¹ Jisü no Tyre cheaxü qhive no Sidon lo iqhove, eno tilau no homxasü iqi Galilee züghi cheaxü lo Decapolis qhalo wu.

Mark 7:31 ပူးပေါင်းရင်းမြစ်များ

MATTHEW 11:21

“Khorazin, oghenguno ahasapu anie! Bethsaida, oghenguno ahasapu anie! Kughengu nongu gholo akumzapu kumla shikeu hu Tur ngo Sidon lo shitsuke aye, panonguye khaghino yeqhiye phi pepu eno ayevu pesu aphi nupu puzu panongu mlo Alhou lau xaideghivekeu piyeve aghini cheke!

MATTHEW 4:18

Jisu no Galil zughi phivilo wuchekelo, pano athiazu mikini ithulu, Pitor ipi kuvetsukeu Simon ngo pa thikuzu-u Andrew pama akhame pesu azughilo akha vecheghi, kughengu pamaye akha kukhamike,

MATTHEW 4:25

Aqokitikhi kumzapuno pa papesu che eno timi tipaqoye Galil, Aphu Chighilo, Jerusalem lo, Judia lo eno Jordan nguno tuxau akeu yeghi lono ighikemiqoke,

Mark 5:20

Ike timi huno cheve eno Taun Chighiqo kumtsulo wu puzu Jisu no pa ghenguno kiu shitsukeno pia; eno ti chilukemi kumtsu akumzaqhiyive.

Mark 7:24

Tithiu Jisu ye Tur ngo Sidon qhalo wuniye cheve. Pano ighino aki lakhilo iloe eno timi khuu pelomu paye tile ani kepi ithipemo nikeu shia, ikemu paye itshu khamlave.

Mark 7:30

Lino akilo ighi kelo anga zuaghi eno tughamiye cheve aghi.