Mark 7:21 - BAIBEL (BSI)

²¹ Kughengu alou timi mlo lono alhoksa kukumsu ipeghikeu lono hipaqo shi cheni: Asalha, akupuka, timi ghiqhi, kutami nipu sazukeu,

Sümi Tiqhelimi Bible

²¹ Kughengu timi lakhi mlo alou no küsakügha kükümsü hipaqo ipeghi chenie: kipito xüküpsa, aküpüka, ghikiqhi,

Sumi Naga CL (Re-edited) Bible (BSI)

²¹ Kughengu timi mlo alou no alhoksa kükümsü ipeghi cheni, kipti-toti dolo mithekumo, aküpka, ghikiqhi, ashupu asalha,

Mark 7:21 ပူးပေါင်းရင်းမြစ်များ

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

JOB 14:4

Khunomu mithekumo lono akimthe thime sapeghi mlae.

JOB 25:4

Tishiaye timino Alhou zulo khile amikucho shiluni kya? Momu aza polono ighikemi gholo khuuno muqhamiqhiyi aghilu nani kya?

LESHELE 119:36

Akini-akua phunikeu nguno oyezah gholunikeuno ipulou shilupelo.

LESHELE 14:1

Kughuzumino pa mlolo ishi picheni, “Alhou kuhae.” Panongu kumtsu shikupusake eno kuchhube kepu kumla shi ani; milakhimu achipiu shikemi khumu kuhae.

LESHELE 14:3

Ikemu panongu kumtsu lavelalo wuvea, panongu kumtsu shipusa khavae. Panoqo gholo milakhimu achipiu shikemi kuhae, moe lakhimu kuhae.

LESHELE 53:1

Kughuzumino pano likhi pano vilo “Alhou kuhake” ipi cheni. Panongu kumtsu shikupsake, eno panonguye kuchhubekepu kumla shiani; milakhimu achipiu kumla shikemi kuhae.

LESHELE 53:3

Ikemu panongu kumtsu bidelau wuvae; panongu kumtsu vimo khavae. Panoqo gholo milakhimu achipiu shikeu kuhae; moe,lakhimu kuhae.

AHOLE 15:25

AMPEU no qhezalaki chekemi kibo kutsave nani ikemu pano chimemi nhemgha susholu nani.

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

ISAIAH 59:13

Ninguno oshou hebide, omilive eno opapemo kepi hebideve. Ninguno kutami qodaqhi eno olauno tsughuchile wuve. Nikukumsuye kichileu eno nitsaye akimki ke.

ISAIAH 59:7

Nonguye pulhapuju kiuala alhoksa pughuqhi acheni, eno nonguye tipau shiniaye khekulhoshi acheni. Nonguye pimimo kemi heqhi buqhinike khilemu sukichile kuhae. Nonguno khile khile wuni keno hexapinikeu eno kutsapinikeu qhivetsu cheni,

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

EZEKEL 38:10

Akughushu MPEU no Gog vilo piakeuye hike: “Kughono tipau ghuloki ighini keno noye amqu lhoksa kumsulu ipeghive nani.

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

MATTHEW 9:4

Panonguno kiu kumsupu akeno Jisu no ithiveno ishipi, “Kushiye nonguye amlolo alhoksa tikithipu kumsu cheni kya?

Mark 7:20

Pano itaghi ishi pi “Timi lakhi lolono kiu ipeghi cheni keno tino pa pelo kuchhubeve kepu shipe cheni.

Mark 7:22

aghichikupo, kusakugha kumla, pishikiqhi, anhekushu, kuthakugha, aqhekuza eno mbomzushikeu.

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Apostolmi 5:4

Amheghi jemphi lomu tiye owu eno ti jevekethiu mu pisa ye owue. Imaye, kushiye hikithipu shinikeu omlolo kughuphe kya? Noye timi vilo mikike kumo puzu Alhou zulo mikivae!”

Apostolmi 8:22

Alhoksa hipau lono xakide ighivelo eno Ampeu vilo inikhulo, tishianguno shikulupu shi aghiaye omlolo kuchughupe akeu olauno pevetsu penike.

Rommi 7:5

Ninguno ningu timi lhoayelo xuache kelo Ayezah no axine gho apulou haputhu puzu niphi-mpi pepimheno akithipu mlaphe cheke.

Rommi 7:8

Ikemu axineno ti ahza kutsu vechewo adokivi phuluveno ilolo juminekeu jeli thwokha xukuthotsu. Kughengu ayezah kuha keloye axineye thiake.

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

James 2:4

nonguye nolikhi nongu gholo kutuqukeu shipesu qhiani eno alhoksa kumsupuno kughathabe anike kumo kesha?