Mark 6:34 - BAIBEL (BSI)

³⁴ Jisu no ashuka lono wo tokelo pano timi aqokitikhi hu ithulu eno panoqo jupesu pa mlo ighiqhiyive, kughengu panonguye bheriqono akheu kuhano aketoi ithulu. Ike pano thwokha jeli pesu panoqo kutsu.

Sümi Tiqhelimi Bible

³⁴ Kughou azü mükü toluve püzü Jisü no timi kutomo ithulu keno, pa ye panongu ju pesü kimiyeqhiyive, kughengu panongu ye akheu küha keu ambe lakhi toi ke. Ikehu pa no panongu vilo thime kutomo pesü kütsüe.

Sumi Naga CL (Re-edited) Bible (BSI)

³⁴ Kughou Jisü no axüsa tokeno, pa no aqokitikhi kije ithulu, eno panoqo ye akheu küha keu mbeqo toi aghi kehu pa mlo ighiqhiyive. Pa no thime kutomo pesü panoqo shika thuve.

Mark 6:34 ပူးပေါင်းရင်းမြစ်များ

KUKAMI ATUGHIU 22:17

Mikaiya no khochile, “Israilmi ghushimiye bherikheu kuhano bheri apanagha cheketoi naghuto kumtsu apanagha itsu chekhani. AMPEU no pi ani. Timi hipaqoye saphetou kuhake panongu pelono iqunei akilo wovepelo!”

YEKIKITHI AKINIU 18:16

Mikaya no khochile pi, “Israilmi ghushimiqo ye bheriqono akheu kuhave ketoi naghutoqo lo apanagha chekeu ino ithulu anie. AMPEU no pike, ‘Timi hipaqoye sakipheu kuhae; panoqoye iqunei akilo idewove pelo.’ ”

ISAIAH 13:14

“Babilon lo inami kughunache kemiye ashihami launo asheno pochekeshi eno bheriqono akheu kuhano akeshi panonguye pututa yeghilo pove nani eno pano timiqo lau kohave nani.

JEREMIYA 50:6

“Iwu timiqoye bheriqo toi akhemiqono panoqo pelo naghutolo puhapighiyive peke. Panonguno bheriqo toi naghuto lakhi lono lakhiulo itsusu wuveke eno panonguye panoqo ki khile ani keno kumsumavae.

EZEKEL 34:5

Bheriqoye akheu kuhake ghenguno panonguye hapiye pighivae eno tughashino panoqo heqhi puzu tsuchuvae.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

AKIKIHI 27:17

eno aghushilo panongu shou ahza tsukeu shipelo tishianguno owu aqoaho ye bheri loji akheu kuhakeu toimo nanike.”

MATTHEW 14:14

Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.

MATTHEW 15:32

Jisu no pa khopemi pa lau kupuzu pi, “Niye timi hipaqo ghenguno imlo imevae, kughengu panonguye atsala kuthu kutolo igholo ani puzu itehiye chukepu kiumu kuhava. Niye panongu akhuava lono puwoveni shimoe, kughengu panonguye lhoveno alalo iluqiveno sake.”

MATTHEW 9:36

Pano aqokitikhi ithulu kelo panoqo ghenguno pa mlo shishe ighiqhiyive, kughengu panonguye akheu kuhakeu bheriqo toi shiluksa shi ae eno kuphukemi kuha.

Mark 6:33

Panoqono wuchekeu timi kutomono ithuluveno panonguye khunoqo keno ithive, ikehu taun kumtsu lono timiqoye apukhu lono tilau posuwuve eno Jisu ngo pa khopemi zuuno a-a hu toveaghi.

Mark 6:35

Kughou ave munuveni cheghi keno, pa khopemino ighi puzu pi,”Hiye khumu kuhakeu-a lakhi eno itehiye ave munu ayae,

Mark 8:1

Ado kushuwa kumolo, itaghi timi aqokitikhi lakhi kumqolu. Timi qoye kiumu chukepu kuhave kehu Jisu no pa khopemi kuno panoqo vilo ishipi,

Mark 8:2

“Timi hipaqo shou imloighiqhiyivae, kughengu panonguye igholo atsala kuthu ngova eno itehiye kiumu chukepu kuhava.

Luke 9:11

Kughou aqokitikhi no ti chilukeno panonguno pa papewu. Pano panongu sasu alokivishi kusholu eno Alhou yehkipe ghili pesu panongu putsa eno khunoqono shikipivi avehupu shi akeno tipaqo shipivitsu.

IBRIMI 2:17

Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

IBRIMI 4:15

Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.