Mark 3:21 - BAIBEL (BSI)

²¹ kughou Jisu nobolomino hi chilu keno panonguno pa sunheluve niye wue, kughengu timino, “Paye aqho-izuwuvae!” ipi pike.

Sümi Tiqhelimi Bible

²¹ Kughou pa kibolomiqo no hipau ghili chilu keno, panongu no pa saluve niye wu eno panongu no ishi pia, “Pa ye izüwuvae.”

Sumi Naga CL (Re-edited) Bible (BSI)

²¹ Kughou Jisü kibolomi no ti chilu keno, panoqo no pa ghasüve niye wu, kughengu timiqo no pa ghili hitoi kügha ake, “Pa ye akükümsü kühavae.”

Mark 3:21 ပူးပေါင်းရင်းမြစ်များ

KUKAMI AKINIU 9:11

Jehu ye pa kusami kijemi qo lau ide ighikelo panonguno pa vilo iniju, “Thwokha kumtsu achipishi anima? ti nikhanighau ye ovilo kiu shile pi ighi kya?” “Paye ivilo kiu khu ighikeno nonguye ithi anima?” ipi Jehu no khochile.

JEREMIYA 29:26

“AMPEU no Jehoiada zuqhulo opelo achineu shipeke! itehi noye Achinekilo kijemi atou shianike. Okumlapu sajeye kughuzumi khijeno tungkupmi lakhi kepi amuqukini tsa pini keno tipaqoye ayikichhe pesu tshu puzu pa kuolo ayikuo kukha pipe kepuke.

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

Mark 3:31

Tile Jisu paza ngo pa thikuzumi ighino aki khalau puthugho puzu aghinimi pelo pa kuwupe.

John 10:20

Panoqo gholo kutomono, “Timi hipauye tughami sa-anie! Paye izuwuvae! Nonguye kushiye pa tsa inini kya?” ipi ae.

Apostolmi 26:24

Paul no hitoi pa likhi pa shokhakeu tsa pi kelo, Festa no asutsa akumgha shi-ghi pa vilo ishi pi, “Paul, noye izuphokicheyivae. Okighithi kighiche huno opelo izuphokicheyivae.”

2 Kor. 5:13

Ninguno kughuzumi ghola shive aghiaye tiye Alhou ghenguno ke ikemu ningu kukumsu achipilo aghi aye, tiye nongu ghenguno ke.