Mark 16:16 - BAIBEL (BSI)

¹⁶ Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

Sümi Tiqhelimi Bible

¹⁶ Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

Sumi Naga CL (Re-edited) Bible (BSI)

¹⁶ Khunono pülü no baptiz shiluni keno xaluve nani, ikemu pülümo keu ye kileqhive nani.

Mark 16:16 ပူးပေါင်းရင်းမြစ်များ

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Mark 1:15

Pano ishi pie, “Ado achipiu hu ighivae eno Alhou yehkipe ye kupunuvae! Nongu xine launo xatsughu ighilo eno alokivipu sutsa pululo!”

Luke 8:12

Apiti alalo vepukulu keu huye chiluvekemiqo; ikemu tughamino ighino panongu mlo lono atsa hu ikhi suwuve, panongu pelo puluno xalu nosakehu.

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 3:36

Khunono Anu shou pulube nikeno lhokta kuxu ani; khunono Anu gholumo nikeno tipanoye akuxupu kuhave nani, ikemu tipano shou Alhou loghu acheuve nani.

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

John 6:29

Jisu no khochile, “Alhou no nongu pelo hipau shipenishi ani: pano khuu puwu puani keno nonguye tipau shou pulubelo.”

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 8:24

Tishikehu ino nongu vilo pikeuno nonguye nongu xinelo thinanie. Kughengu ‘Niye nike’ pikeu nonguno pululumo aye nonguye nongu xinelo thiani.”

Apostolmi 10:43

Tungkupmi kumtsuno pa shepe shichekeuno, timi khunono pa puluni keno paje vechewo axine pevekulupu ithulue.”

Apostolmi 13:39

Muse yezah qholo khikhi nongu phepuwuve mlakeu thime kumtsu ani keno, pululukemiye kumtsu pa launo phepuwuve kulupu shilue.

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

Apostolmi 22:16

Ike noye kiu khe ani kya? Ithu puzu paje lono baptiz shiluveno oxineqo qhuvelo.’

Rommi 3:6

Khilemu tishimoe! Alhou no amikucho kumo aye, paye kishi puzu ayeghi shou kughakutha shiluni kya?

Rommi 4:24

ikemu ni ghengu ghi ke. Ningu khunoqono ni Mipeu Jisu akithi lono xuputhuvekeu Lhou puluni keno, achipikaluve keu hu ningu lau ghi kihipukutsu nani.

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

2 Thes. 2:12

tishianguno khunoqono amikucho kumolo aghuiloqhiyi cheni eno kuchou pulu chemo keno tipaqo kileqhive niyeke.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 3:21

Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”