Mark 14:72 - BAIBEL (BSI)

⁷² Tipa mtsa awuduno ghuthu akiniu igha. Pitor vilo kishi Jisu no pipuakeno kumsuchilelu. “Awuduno ghuthu kini ighamphilo noye ghuthu kuthu kutolo imthae pi nani.” Pano kunotshutshushi qa.

Sümi Tiqhelimi Bible

⁷² Paikhavi awudu no ghuthu akiniù ighave. Ikelo Peter ye Jisü no pa vilo ishi pipüa keu tsa kümsüchilelu: “No ye awudu no ghuthu kini igha mphi züu no ghuthu küthü I milive nani.” Eno Peter ye kunotshütshü shi qa auve.

Sumi Naga CL (Re-edited) Bible (BSI)

⁷² Paikhavi awudu no akiniu ighave. Jisü no kishi pa vilo pi keno pa no kümsüchilelu, “Awudu no ghuthu akiniu ighamphi lono no ye ghuthu küthü ni milive nani.” Pa no amloghuju shi qauve.

Mark 14:72 ပူးပေါင်းရင်းမြစ်များ

SAMUEL AKINIU 24:10

Ikemu David ye timi lhoxu kihi tavekethiu, pa lolo alokughuno kuhave, tileno pano AMPEU vilo pi, “Ino hishi mlavekeu huno axine lhoksa kije mla kuquvae! Ikimiyeno ikipimi qhivetsulo. Niye aghuzu anikha kumla mlavae.”

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

EZEKEL 36:31

Nonguno nokumla lhoksa ngo achipikumo mlapuakeu kumsu chilelu nani eno noxineqo eno kuchhube kumla shipuakeulo nolikhi nojupe aphimuqhuve nani.

EZEKEL 7:16

Panongu khamiye akhilalo achekeu miqhedu hakumsavekeu toi naghutoqolo pokawuve nani. Panoqo kumtsu pututa xine kumsu pesu isughughuyi anani.

MATTHEW 26:34

Jisu no pa vilo pi, “Kuchouno ino pini, itiji awuduno ighamphilo, noye imthakepi ghuthu kuthu kutolo pi nani.”

Mark 14:30

Jisu no Pitor vilo pi, “Kuchouno ino ovilo pini, itiji awuduno ghuthu akiniu ighamphi lono noye ghuthu kuthu imthakepi pi nani.”

Mark 14:68

Ikemu pano tiye kuchou kumoe pive. Pano pi “Niye mthae momu nono kiu pi anikela kitilamu vethaluamoe.” Paye ikipe la kudau wuve. Tipa mtsa awuduno igha.

Mark 14:71

Ikemu Pitor no pa likhi pa ghusho eno ishi tushoqhi, “Nonguno timi khuu piani kela niye timi tipau mthae.”

Luke 22:60

Ikemu Pitor no khochile pi, “Timi ghi lae,nono kiu piqhi ani keno niye tsamu ithi amoe!” Tipa mtsa, pano atsapi aphi lono awudu ighauve.

Luke 22:62

Pitor no khalau ipeve eno shisheno qah auve.

2 Kor. 7:10

Kughengu Alhou launo amlo ghime peithaluvekeu huye akuxu xakidelukeu sughitsu cheni, tino xakulupu lau sawu cheni eno tipau loye amlo ghimepu kuhake. Ikemu ayeghilo gholauno amlo ghime shikeu huye akithi sughi cheni.