Mark 13:9 - BAIBEL (BSI)

⁹ “Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Sümi Tiqhelimi Bible

⁹ “Nongu ye nolikhi nongu khekuto amoayesae. Nongu pesü no-a lo mijetsümiqo u lo sǘve no synagogqo lono nongu heqhi nani. Eno I je ghenguno nongu ye angh eno kükamiqo zülo puthugho no panongu lau I shepe shi nani.

Sumi Naga CL (Re-edited) Bible (BSI)

⁹ “Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Mark 13:9 ပူးပေါင်းရင်းမြစ်များ

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Mark 1:44

Jisu no ishi pi, “Hi ithilo, hipau pesu khuu vilomu pikevilo, ikemu vejoi achinemi lau wulo eno pa pelo ojukidekudai pelo, tishieno Muse no kiu ahza tsupuani keno tipau pesu oshipivi luvekeu ghenguno okumllagho tsulo, tishianguno timiqo zulo tino noye viluvea kepi timi piyekeu shilo.”

Mark 13:5

Jisu no panoqo vilo “Jukuto alo; eno khuu pelomu nongu shikughuzuve pekevilo.

Mark 13:8

Ashiayeh lakhino ashiayeh lakhi sasu aghu shi nani, akukaqha lakhino akukaqha lakhi hale ighi nani. Aqha atsu-tsulo ayeghi itha nani, eno puqumiye keu anani. Hiye apunukusu huthu akeu paphike.

Mark 6:11

Nonguno aphu lakhilo ighi kelo timino nongu sasumo aye momu nongu tsa initsumo aye tileno wuvelo eno panongu shou thopiu shipe nike nongu pukhulo ayeghimukhu dalukeu kukhuqhivelo.”

Luke 9:5

khile nongu sasumoni keno, tipa phughi qhivelo eno nongu pukhu lono ayeghi kukhuqhi velo, tino panongu kutughukeu lakhi shighi.”

John 15:20

Ino nongu vilo pivekeu tsa kumsululo: ‘Aquaxemi lakhiye pa mipeu nguno akijeu kumoe.’ Panonguno ipishipuju aye nongu ghi pishipuju nani, panonguno itsa papelu aye nongu tsa ghi papelu nani.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

Apostolmi 21:11

Pano ningu gholo ighi puzu Paul pokha ikhipe pa likhi pa phi-au pheda puzu pi, “Aghungu Kimthe no hishi pi anie, apokha hipau mipeuye Jerusalem lo Judami qono hitoi pheda puzu pa kughape Judakumomi ulo phesuve tsunanie.”

Apostolmi 7:54

Judami Hoho lo ampimiqono Stifan no pikeu chilu puzu panonguye axuideve eno ahu tsughu bubushi amlo idewuve.

Apostolmi 9:16

Ighenguno paye kishi ime mayesakeno kumtsu ni ampino pa piye nani.”

FILIPIAMI 1:29

Kughengu Khristo jelono nonguye pulube nikeu likhi kumono pa ghenguno aghime shinikepu dokivi kophepe nongu tsuke.

2 Thes. 1:5

Hiye Alhou no achipi lono kughathakeu pikiphe lakhike, tishianguno nonguye Alhou yehkipe qholo ilo kuzupu shitsu nike ghenguno nonguye ime anike.

2 John 1:8

Tishiaye, nonguye kutokupuyilo, tishianguno ninguno kiu ghenguno mla chekeno tipau nonguye puhavemo nanike, ikemu nongu jume kumtsu ithulu nanike.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.