Mark 13:7 - BAIBEL (BSI)

⁷ Kughou nonguno aghushi aniepikeu sutsa chiluni keno amlo susushi kevilo, Hipaqo shini putsake, tishimu aghuloki shekha ye tomphie.

Sümi Tiqhelimi Bible

⁷ Kughou nongu no aghükishi sütsa chilu eno aghüshi ani ipikeu uyewu sütsa chiluni keno msà kevilo. Hipaqo ye shikupu moayesa nani, ikemu ashekha ghuloki ye ighini aphike.

Sumi Naga CL (Re-edited) Bible (BSI)

⁷ Kughou nongu no aghüshi sütsa eno uyeu ghüshi sütsa chiluni keno, khilemu amlo hau kevilo. Hi ye ighini pütsae, ikemu ashekuho ye kumphie.

Mark 13:7 ပူးပေါင်းရင်းမြစ်များ

SAMUEL AKINIU 14:14

Ningu kumtsu thive nani; ninguye azu ayeghilo peleqhivekelo akiniu kichekumqo luchemo keu toike. Alhou ghi kithimi pesu akuxulo sughi chemoe, ikemu akukau ye timi lakhi hakughutsuve keu lono sachile sughinikeu laghiye phuphelu nani.

LESHELE 112:7

Paye asutsa lhoksa ithuluni keu musa chemoe; pa kupuluye mutotoi shino AMPEU pukhu cheni.

LESHELE 27:3

Ghushimi kumzapuno isuhope ngoluve namu niye khilemu msa ichivemo nani; Isasu aghu shi ipeghive namu niye Alhou pukhube anani.

AHOLE 3:25

Noye zulileno aghesuqhi ighi kelo amlo kusapu kuha nani eno pasapaghano kixikilami shou ikughi chekeu paphi shimo nani.

ISAIAH 8:12

“Timi hipaqono tuqhou kuchughukeu ipichekeulo khilemu sukepu kumoe eno panonguno musa ighuchekeu musa ighu ke vilo.

JEREMIYA 51:46

Amlo kuloghi hauvepe kevilo momu uyeutsa chilukeulo musa kevilo. Ampe atsu-tsu uyeu tsa jeli vekupha acheni, tiye aghakhulo heqhi buqhikeu eno kukami lakhino lakhi sasu aghu shikeu uyeu tsa vekupha acheni.

MATTHEW 18:7

Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

MATTHEW 2:3

Herod akukauno hipau chilu kelo, pa mlo ighono shipusavetsu, tihutoi Jerusalem lo kuami kumtsuno pa gholo amlo shimove.

Mark 13:6

Timi kutomono ije lono ighi puzu, ‘Niye Mesiya ke’ ipi nani eno panonguno timi kutomo shikughuzuve nani.

Mark 13:8

Ashiayeh lakhino ashiayeh lakhi sasu aghu shi nani, akukaqha lakhino akukaqha lakhi hale ighi nani. Aqha atsu-tsulo ayeghi itha nani, eno puqumiye keu anani. Hiye apunukusu huthu akeu paphike.

John 14:1

“Nongu mlo kutakihi kevilo, nonguno Alhou pulu cheni, eno ishou ghi pulu acheni.

John 14:27

Ino alokiqipu nongu gholo qhitsu ani; alokiqipu ino nongu tsuani; ayeghilomino tsuchekeu hutoi nongu tsuanike kumoe. Nongu mlo kutakihi akevilo momu msakevilo.

Apostolmi 17:3

eno Khristo ye ime mayesavekeu eno akithi lono ithukeu hi kuchoyesu lono chixechileyi phukide kudayi piye. Paul no pi. “Hi Jisu khuu pesu ino nongu vilo pi ani keno paye Khristo ke.”