Mark 13:11 - BAIBEL (BSI)

¹¹ Kughou timino nongu kughasawo atsakughani keno, nonguye kiu pini kela pi azuu no amlo thoghu-thoghuyi kevilo; ikemu tipa tuqhudo lono kiu pesu nongu tsuni keno ti pilo, kughengu nonguno kiu tsa pini keno tipaqoye Aghungu Kimthe launo ighi nani.

Sümi Tiqhelimi Bible

¹¹ Kugho-kughomu nongu küghaluve no atsa kükügha-a lo süghi kelo, kiu pi nani keno azüu no amlosa kevilo. Ado tipau lo O lolo müzüsütsü keu likhi pilo, kughengu tiye nono pi anike kumoe, ikemu Aghungu Kimthe no pi anike.

Sumi Naga CL (Re-edited) Bible (BSI)

¹¹ Kughou nongu küghape akughu shive niye atsakükügha lo sawuni keno, nongu ye kiu pinia pi azüuno amlo kütakihi kevilo, ikemu tipau süchedo lono kiu kiumu o tsükeu pesü pilo, kughengu nongu no kumoe, ikemu Aghungu Kimthe no atsa pi nani.

Mark 13:11 ပူးပေါင်းရင်းမြစ်များ

SAMUEL AKINIU 23:2

AMPEU ghunguno ivechewono pi ani; pa sutsaye imtsulo ani.

ISAIAH 50:4

AMPEU Alhou no kiu pikepu keno ishikapiyevae, ikehu ino kulho kughomi shikumtolu nani. Inaqhe atsu-tsu pano kiu ishika piyeni keno azukini shi iniche nipe.

MATTHEW 10:17

Timiqo jukutokupuyi alo, kughengu panonguno nongu sasu kughakutha-alo sawu nani eno panonguno Sinagog lono nongu ghaqhi nani.

Mark 13:12

Athikuzuuno athikuzu kughape pithive penike tsuve nani, apuh no pa nu titoi shivepe nani, eno anuliqono apu aza mujochile nani eno apu azaqo pithive nani.

Mark 13:9

“Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Luke 21:12

“Hipaqo kumtsu shimphi lono panonguno nongu kughaluve puzu shikighime nani, nongu kughape Sinagog tsakukugha zulo suvetsu nani eno akughukilo suve nani. Ighenguno nongu sasu kukami ngo ayehkipemi zulo wunani.

John 3:27

Johan no khochile. “Timi khumu Alhou no pa tsumokeloye kiumu pe aghimo nanike.

Apostolmi 2:4

Panongu kumtsu Aghungu Kimthe no chhitoive eno Aghungu no panoqo pelo pilupe kehu kutami tsauno pithuve.

Apostolmi 3:13

Abraham, Isak eno Jakob Lhou, nipu-asu Lhou huno pa qeu Jisu akimthe jekipipu shive tsuae. Nonguno ayehkipemi ulo pa phesuvetsue, Pilat no pa phepuwuveniye kughathave kemu nonguno Pilat zulono pa miliveke.

Apostolmi 4:31

Panonguno inikhu tavekelo, panonguno kuho akeu-a sukinie. Panongu kumtsu Aghungu Kimthe no chhilu eno amlo kuloghi shi Alhou tsape shie.

Apostolmi 6:10

Ikemu panonguye Stifan no Aghungu lokutsu lono pikeulo ghechilemlave.

Apostolmi 6:15

Ahoholo iqakemi kumtsuno anhethi sukuqumono Stifan jua eno pa gi ye kungumi gi toi panonguno ithulue.”

Apostolmi 7:55

Ikemu Stifan ye Aghungu Kimthe no agi teqhi-teleyi puzu, anhethi sukuqumono atsutsulo jupuku eno Alhou jukuvu ngo Alhou- u ajeu Jisu puthugho akeu ithulu.

1 Kor. 2:13

Ikehu ninguye timi suqekighithino shikakeu tsaqo pesu pichemoe, ikemu Aghungu Kimthe no shikakeu tsaqo pesu picheni, kuchou nguagha ghili pesu Aghungu ghokulumiqo kimghipiye cheni.

Ephesiami 3:5

Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.