Mark 10:30 - BAIBEL (BSI)

³⁰ paye hipa ghulokilo nguno alau kutomo ithulu nani. Paye hipa ghuloki lonomu chepu-cheli apu-aza, ati-anuli, aki-alu aqhe kutolo eno shikighimekeu ithulu nikeno ighi nikeu ghulokilo lhokta kuxu ithulu nani.

Sümi Tiqhelimi Bible

³⁰ hipau küxü lono ghuthu aqhe küghüsü ithulu nani: tiye aki, athiküzümi, achelimi, azá noqo, atianuli eno aki-aluqo, tipau gholo pishi-pujuqhi keu ngò ighi nikeu ghuloki lo lhokta küxü ghí ithulu nani.

Sumi Naga CL (Re-edited) Bible (BSI)

³⁰ asaxü ithulu nani. Hipa tiqheli lo eno ighini keu lhokta küxü lo pa no itehi akibo, athiküzü acheli, aza, atianuli, aki alu akeu nguno, eno kijiküpsa ghi süküqha no, ghuthu aqhe piqi ithulu nani.

Mark 10:30 ပူးပေါင်းရင်းမြစ်များ

YEKIKITHI AKINIU 25:9

Amazia no tungkupu vilo iniju, “Tishiaye tsandiyi kumzapu ino panoqo tsuve keuye kishiveni kya?” Tungkupu no khochile, pi, “AMPEU no tinguno alau otsuchilelu nanike!”

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

AHOLE 16:16

Shuna ngo tsandi nguno alau alokutsu ngo akighithi akeu pavibeke.

MALAKI 3:10

Chighi sajelo lakhi akuchopu Achinekilo sughilo tishianguno tilehi achuqupu lukumkhashi apenike. Ipe julo eno nonguno ithulu nanike ino kungugha lashe khaqhi puzu thime kivi jeli kumtsu nibonilei nongu shou lepukutsu nani.

MATTHEW 12:32

Khualano ni Timi Nu shou kiuala pipuaghimu ti pevetsulu nani, ikemu khunono Aghungu Kimthe shou kiuala pini keno itehina itowu namu pevetsumla nani.”

MATTHEW 13:8

Ikemu apiti hamiye ayeghi kivilo vesulu eno athi pithilue; hamino athi aqhe pithi, hamino lhotsugho pithi, eno hamino shighi pithi.”

MATTHEW 6:33

Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

Luke 18:30

hipau ghulokilo pano qhivekeu nguno alau ithuluchile nani, eno ighinikeu ghulokilo lhokta kuxu ithulu nani.”

John 10:23

Achinekilo Solomon kisheqho holo Jisu no iqho-iqi akelo

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

Apostolmi 16:25

Ikemu zubumtalo Paul ngo Sila pamaye Alhou lau akighini shi, ale phe eno akughumi kutamino pama tsa ini ae.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 5:3

Tinguno alauno ningu wu shilukusaqo lomu alokvishi acheni,kughengu nino ithi akeuno shiluksano kutuukulushi theqhilukeu iqiphe cheni,

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

2 Kor. 6:10

amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.

FILIPIAMI 3:8

Tike kumo puzu, Khristo Jisu ye iMpeu ipi ino ithilukeu huno amekushou shikelauno kutau thwokha adou kepi ino kihivae. Ikemu pa ghenguno thime kumtsu phevae eno tipaqoye xinexigha kepi kihivae tishianguno niye Khristo pesu isaxu shilunikehu

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

1 Tim. 4:8

Aphimpi qokiphelo ame hami acheniaye Alhou lau amlo tsukeuye thwokha lono amekuapu ani, kughengu tishikeuno hipa yeghilo kuxu ngo ighiniye akeu kuxu piqhipe puatsuae.

1 Tim. 6:6

Iwa, achineyehlo aghaqiqhiyikeuye kinikulu kijeke,

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

James 5:11

Khunoqono puqhekulu shi keno tipaqo lokivipukepi picheni. Job no puqhekulu shikeu nonguno chiluvae, eno ashekhalo Ampeu no kishi shitsukeno nonguno ithuluvae. Ampeu ye kimiyeqhiyi keu eno kupuqhiyi keuke.

1 John 2:25

Khristo no ningu tsunike piqhipua keu huye lhokta kuxuke.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

Piyeküsü 2:9

Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.