Mark 10:24 - BAIBEL (BSI)

²⁴ Akhopemi qoye pano hipatsa pikeulo akumzave, ikemu Jisu no panoqo vilo itaghi ishi pi, “Tiqhelimiqo! Alhou yehkipelo ilolu nikeu kiu toi kushokutsupu kela!

Sümi Tiqhelimi Bible

²⁴ Pa no hipaqo pikeu lo akhopemiqo ye akichiqhive. Ikemu Jisü no itaghi pi, “Anuliqo, Alhou kükaphu lo ilo nikeu ye kiutoi kushokütsü kela!

Sumi Naga CL (Re-edited) Bible (BSI)

²⁴ Pa tsa chilupe akhopemi ye akümzave. Ikemu pa no itaghi panoqo vilo pi, “Anuliqo, Alhou yekipe lo iloluni keu ye kishi kushokütsüpu kelae!

Mark 10:24 ပူးပေါင်းရင်းမြစ်များ

LESHELE 17:14

Ayeghi hipaulo khunono lunishikeu pighi cheni keno tipaqo launo ixaphelo, O AMPEU, Nono panoqo ghenguno aghimepu kutopuakeu pesu panongu ghimeqhilo, pano tianuli ghenguno lukumkhashi kutotsulo eno pano tianuliqo wu atianuli shou ghi kuto tsulo!

LESHELE 52:7

“Julo, timi hipauye Alhou ijehnikeu kumsu chemoe, ikemu pawu kinikulu shou pukhube, eno alhoksa kumla alau shinikeu kumsucheke.”

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

AHOLE 11:28

Khunono pawu kinikulu pukhu cheni keno ighuyiveno ighiqive nani ikemu amikuchomiye mutsu tsuni nipa toi kighishe wolu nani.

AHOLE 18:11

Ikemu kinimiye aphughi lakhi puwupuakeuno qhemghai eno akumtoshi aketoi kinikuluno pano susholu nani kepi kumsu cheni.

AHOLE 23:5

Owu pisaye aluqu lakhino achishibo ipeghi puzu yeuveke toi paikhavino tipaqo hauve luvike.

JEREMIYA 9:23

AMPEU no pike, “Alokutsumiye pano lokutsulo qhezalaki kepu kumoe, akumtomi pimu pano kumtolo qhezakepu kumoe, kinimi pimu pano kinilo qheza kepu kumoe.

HABAKUK 2:9

“Nonguye puhaveni putsa! Nonguno heqhi buqhikeu lono ikhisughi keu pesu nokibolomi pelo kinikulu shipe eno nokiboqo shikupusa ngo akuyighupu sholu pemoniaye pukaputsake!

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

MATTHEW 19:25

Akhopemiqono hipatsa chilukelo panonguye apuchopungove eno ishipi, “Tishiaye khu-u xakulupu kya?”

Mark 1:27

Timi kumtsu shishe akumzaqhiyive ikehu panongu lakhino lakhi vilo ishi inijukile auve, “Hiye kiu kya? Kiuala akithe kukutsu keo? Timi hipauye anguagha kuamino ahza tsu akeshi tughakusa shou thotsu ahza tsue eno panonguno pa gholue!”

Mark 10:23

Jisu no ighowo pa khopemiqo jupuzu panoqo vilo ishi pi, “Kinimi ghenguno Alhou yehkipelo iloluni keuye kiu toi kushokutsupu kela!”

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

John 13:33

Anuliqo, niye ado kitila likhi nongu sasu anani. Nonguno iphuju puhave nani, ino Judami vilo pivekeu toi itehino nongu vilo hi piani, ‘Ino khilau wucheni keno nonguye ighimlae.’

John 21:5

Jisu no panoqo vilo pi, “Apumiqo, nonguye akha khalu kema?” “Kumu khamlae” ipi panonguno khochile.

John 6:60

Pa kukutsu papekemi gholo kutomono hipatsa chiluno pi. “Akukutsu hipauye ighono mukamughayi loke khuno inikulupu kya?”

Galatiami 4:19

Ino kimiyechekemi anuliqo, totimino apunu kusu suakeshi niye itaghi nongu lolo Khristo lhoaye gholumoke kutolo nongu ghenguno ino ime suani.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

1 John 2:1

Itianuliqo,ino hipau nongu lau yepuwu ani, tishianguno nongu pelo axine shipemo niyeke, ikemu nongu gholo khualano axine shiaye, Apu vilo nizuqhushi qhuinijutsu nikemi milakhi ani, pa ye amikuchou Jisu Khristo ke.

1 John 4:4

Ikemu itianuliqo, nonguye Alhou laumike eno kichile tungkupmi shou theqhiluvae, kughengu Aghungu khipau nongu lolo anikeno paye ayeghi laumi gholo akeu nguno akijeuke.

1 John 5:21

Itianuliqo, kichileu lhou launo nonguye putosupe achelo!

Piyeküsü 3:17

Nono ishi picheni, ‘Niye kinikuluke eno nibonileivae, niye kiumu avehupu shiamoe.’ Ikemu noye kiutoi itamujui kimiye kepushi anikeno noye muthano ani. Noye aqu-aghashi anhethi iche eno aphi kumsa ngo anie.