Mark 10:14 - BAIBEL (BSI)

¹⁴ Jisu no kughou ti ithulu keno axuideveno pa khopemi vilo ishi pi, “Itimiqo pelo ilau ighi pelo, panongu lakha kevilo, kughengu Alhou yehkipeye itimi hitoikeqo wuke.

Sümi Tiqhelimi Bible

¹⁴ Kughou Jisü no ti ithulu keno, pa ye aghaideve. Pa no panongu vilo pi, “Itimiqo pelo I lau ighi pelo eno panongu lakha kevilo, kughengu Alhou kükaphu ye hitoi kemiqow ke.

Sumi Naga CL (Re-edited) Bible (BSI)

¹⁴ Ikemu kughou Jisü no ti ithulu keno, pa ye aghaideve no panoqo vilo pi, “Itimiqo pelo I lau ighi pelo; panoqo lakha kevilo, kughengu Alhou yekipe ye hitoi keqo salae.

Mark 10:14 ပူးပေါင်းရင်းမြစ်များ

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

LESHELE 78:4

Ninguye tipaqo nitianuli launo kusumo nike; AMPEU kuka eno akumzapu kumla kije pano mlakeu ninguno ighinikeu tiqhelimi vilo pinike.

ISAIAH 65:23

Panonguno akumla mlakeulo shiwotolu nani eno panoqo tianuliye kutsakungokeu kusholumo nani. Ino ighinikeu ado kumtsulo panoqo ngo pano tikughukomi kumghatsu nani.

AKIKIHI 14:31

Nonguno pikeuno nongu tianuli ye kutamino kughalu khave nani ipike ikemu ino panongu sasu nonguno milive keu yeghilo sailoni eno tipau pesu panoqo ghakhu shitsu nanike.

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

MATTHEW 18:4

Timi khuno pa likhi pa pesu aqhokigheu shipuzu itimi hipau toi shiluve nikeno. Kungugha yehkipelo timi tipauno kumtsu nguno akijeuke.

MATTHEW 19:14

Ikemu Jisu no ishipi, “Itimiqo lakha kevilo, panoqo pelo ilau ighi pelo, kughengu Kungugha yehkipeye hipaqo kithipu salake.”

MATTHEW 5:10

‘Achipiu-mikucho shikeu ghenguno kutamino ghimeqhikemi kumghae, kughengu Kungugha yehkipeye panoqo wuke!

MATTHEW 5:3

“Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

Mark 3:5

Jisu ye panoqo lau pishipuwo jupuzu amlo ideve, tishipulaghi panongu mlo kiqhi eno vimokeu jupuzu pa mloimeve. Tishino pano a-u kithiu vilo pi, “O-u xachho lo.” Timi huno pa-u xachho, eno tiye vive.

Mark 8:33

Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

Apostolmi 2:39

Kughengu Alhou shoqhiye nongu ngo nongu tianuli eno khunoqomi putou anikeno khukhumu Ampeu ningu Lhou no kulukemi ghenguno ke.”

Apostolmi 3:25

Alhou shoqhi pawu tungkupumi vechewo akeu huye nongu salake, eno Alhou no nongu pu-asu sasu puloshoqhi shikeulo nongu ghi kusajekemie. Pano Abraham vilo pikeu toi,”Otikughukoqo vechewo ayeghilo timi kumtsu ino kumghatsunie.”

Rommi 11:16

Asho sukupho atughiu pesu Alhou lau shikimthe keushiaye, ti ashopa akuchopu pa wu ake. Asubo lakhi kuhu pesu Alhou vehupulo peithape nikeu shiveaye alokaqo ghi pawu ake.

Rommi 11:28

Judamiqoye nongu Judakumomi ghenguno Alhou ghumi, tiye panonguno Atsakiviu peveke. Ikemu panongu puasu ghenguno panonguye Alhou no qhuivulayi keqoe, tiye Alhou no kishepheluve keu.

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

1 Kor. 7:14

Kughengu kupulukumou akimi huye pa nipu vechewo Alhou lau akimtheshi ikhilukepu shilu nani, eno kupulukumou anipu huye likimi Khristomi vechewo Alhou lau akimtheshi ikhilukepu shilu nani. Tishimo aye nongu tianuliqoye Khristo kumomi paphi shiniae; ikemu itehi panonguye Alhou lau akimtheshi ikhilukepu shi anike.

Ephesiami 4:26

Axuide kepushive namu tipau pelo axinelo osailove pekevilo, eno atsala kupuju axuide auvekevilo,

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.

2 Tim. 1:5

Nono mutsumishei keu kupulu akeu ino kumsulu acheni, tiye opuza Lois ngo oza Eunis pama kupulu achekeu toi noghi tipau aghi nani kepi ino pulu ani.

2 Tim. 3:15

nono itimi shiaphi lono Kuchoyesu ithichekeu huno akupulu vechewo Khristo Jisu lau xachilekulupu kudau osawukepu lokutsu tsulu nanike.

JOSHUA 8:35

Ahoholo akemi totimi itimi shoinami kumtsu lau Joshua no ayezah kumtsu phipe piye.

1 Peter 2:2

Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

Piyeküsü 14:5

Panongu ye tukutiye kuha eno akichilo akimki tsa pichemoe.

SAMUEL ATUGHIU 1:11

Lino AMPEU lau tushokiqhi lakhi hitoi piqhi, “O AMPEU Akiqheu, tsalatsa nono oqeliu mlo kighishi lo jupukuno ikumsulu tsu aye, eno oqeliu kumsuma tsumono anu lakhi tsu aye, ino pa pesu akuxu kupujulo AMPEU tsuvenie eno pa kutsusa miyetsu movenike.”

SAMUEL ATUGHIU 1:22

Ikemu tipaulo Hanna ye wumove. Lino li kimi vilo pi, “Anu no asatheluve kemtsa ino pa sasu AMPEU kilo wuno, tipathiu pa kuxu kupujulo tilehi acheuve pe nani.”