Mark 1:6 - BAIBEL (BSI)

⁶ Johan ye kemel mhino shikeu phimini pue, eno ashiyikono shikeu pokha pesu pa chita khapu, paye leusu ngo aghalo khingozu chuche.

Sümi Tiqhelimi Bible

⁶ John ye sayeshi mhi no mülà keu phimini pepu che, pa ashiyiko pokha no pa chita lo khapu che, eno pa ye aghasa lo tülhaqu ngò akhingozü chuche.

Sumi Naga CL (Re-edited) Bible (BSI)

⁶ John ye sayeshi mhi phimini pepu, ashiyiko pokha pesü pa chita vehopu eno leusü ngo aghalo khingozü chuche.

Mark 1:6 ပူးပေါင်းရင်းမြစ်များ

KUKAMI AKINIU 1:8

Panonguno khochile, “Paye tughashi yikono shikeu chijeboboi keu phikuzu ucheni, amhi ghoghoi eno ashiyiko pokha pucheni,” ipi. “Tiye Elija kena!” ipi akukauno akichiqhi pi.

ACHINE 11:22

Nonguno leusu ngo awusho eno atikha chulu nani.

ZEKHARIA 13:4

Tipa tsalalo, tungkupmi khunomu timi pishiqhiniye pano kungunhetsu ithulu keulo akijivilomo nani momu tungkupmi lakhi toi shipiyemo nani momu tungkupmi phimini ghaghaikeu pepu puzu timi pishiqhimo nani.

MATTHEW 3:4

Johan ye kemel mhino shikeu phimini pue, ashiyikono apokha shikeu pesu papo khapu eno leusu ngo aghalo khingozuno pa chuqupu shiche.

Mark 1:5

Judia tokujo qhalo eno Jerusalem phughilo timi kumtsuno Johan tsa ininiye wukhae. Panonguno pano xine pipheve eno Jordan lono pano panoqo baptiz shitsu.

Mark 1:7

Pano asheshu ishi pi, “Ithiu timi khuu cheni keno paye inguno akiqheue; niye itsaiqi pa pukhu kuqho kutsugha kighimu kuqho kuzu kumoe.