Mark 1:24 - BAIBEL (BSI)

²⁴ ighauve; “No eno ningu dolo kiu shikepu ani kya? O Nazaret noghami Jisu? Noye ningu kutsaveniye hile ighi ani kesha? Noye khuu kela ino ithi anie noye Alhou ghinimi akimtheu ke!”

Sümi Tiqhelimi Bible

²⁴ “Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani, no ye Alhou’w Akimtheu hu ke!”

Sumi Naga CL (Re-edited) Bible (BSI)

²⁴ “O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Mark 1:24 ပူးပေါင်းရင်းမြစ်များ

LESHELE 16:10

kughengu nono kithi-ghau iphepuwuve moe. Momu nono kimiyecheku pelo kithimi ghakhulo ngovepemo nani.

IPEKULU 14:12

Ninguno wumiphi lono hikithipu shinani kepi ovilo pikekumo kesha? Ninguno ovilo nikishi shivelo pivae eno nipelo Ijipmi qemi shi ache pelo pike. Hilau asayeqha lono thi akepuye tilau aqemi shi ache keumu pavini cheke.”

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

MATTHEW 2:23

eno Nazaret taun ipi chekeulo wupuzu tila acheuve. Tiye tungkupmino, “Paye Nazorio lakhi ipi kunanie.” ipi puakeu shikupu niyeke.

MATTHEW 8:29

Pamano qhayi ighathughi, “Noye nilau kiu shi cheni kya? O, Alhou Nu! Ado tomphi lono noye ni ghimeqhiniye hilau ighi ani kesha?”

Mark 1:23

Tipa mtsano, tughakusa alolo akemi lakhi Sinagog lo iloghino

Mark 1:25

Ikemu Jisu no ishi pa lomipi; “Inaqhoivelo eno timi launo ipevelo!”

Mark 10:47

Pano chilukeuno hiye Nazaret no ghami Jisu cheniepi chilu eno pano ighamuku thuve eno pi, “David nu Jisu, ikimiyeqhiyi tsulo!”

Mark 14:67

Pitor no ami pugha aghikeu ithulukelo lino pa ju puzu pi, “Noghi Nazaret noghami Jisu gholo cheke.”

Mark 16:6

Panoqo vilo pano ishi pi, “Msakevilo, nonguye Nazaret noghami Jisu kros lo yedavekeu hu phuchenike. Ikemu paye hile kuha, paye xuthuvae. Julo, panonguno hilehi pa pewo qhike.

Mark 5:7

eno asutsa kumgha lono ighaghi pi, “O Jisu, shishe Akiqheu Lhou Nu, noye ikughape kiu shivetsu niye ani kya? Alhou jekuno ino ovilo iniju anike, ishikighime kevilo!”

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

Luke 24:19

“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie.

Luke 4:34

“O Nazaret no ghami Jisu, noye ni pelo kishive peniye kya? Noye ningu kutsanike ighi ani kesha? No khuu keno ino ithi ani, noye Alhouw Akimtheu Lakhi ke.”

Luke 8:28

Kughou pano Jisu ithulu keno, ighaghi Jisu zulo ikiqiveno asutsa ighamuku ghi pi. “Alhou Ighono Akiqheu Nu Jisu, noye ni lau kiu shikepu ani kya? Ino oqhuiniju ani, ighime kevilo!”

Luke 8:37

Tilehi Gergesan yeghi sukumxalo kuami kumtsuno Jisu vilo wuvelopi pithu, kughengu panongu kumtsu shishe msave; ikehu paye ashukalo ilono idewove.

John 6:69

Nino pulu eno ithikeuno noye Alhou launo ighikeu Akimthe lakhike.”

Apostolmi 2:27

Kughengu noye ighungu pe kithighalo kughucho qhivemo nani; Momu oqeu Akimtheu pelo tsu-mavekeu ghime sholupemo nani.

Apostolmi 24:5

Ninguno ithulukeuno timi hipauye xukidechekemi lakhi eno ayeghiqhalo Judami kumtsu dolo kidichekemie, Nazariomi muqo gholo sakipheu shichekemi lakhike.

Apostolmi 3:14

Paye akimthe eno akivi, ikemu nonguye pa milive eno heqhi buqhikemi lakhiu kuqhophetsu lopi nonguno Pilat vilo khu,

Apostolmi 4:27

Kuchouno aphughi hipaulo Herod ngo Pontio Pilat pamano Judakumomi eno Israilmi sasu kuhokumqono akimthe oqeu Jisu nono Khristo shivetsukeu shou akumou shie.

James 2:19

Alhou ye lakhi likhi ani kepi nono pulu cheni, tiye alo anie! Tughami ghi pulu acheni eno akumsano khokhoshi cheni.

1 John 2:20

Ikemu nonguye Aghungu Kimthe pesu nongu shou lepukutsue eno nongu kumtsuno kuchou ithi ani.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.