MALAKI 4:2 - BAIBEL (BSI)

² Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

Sumi Naga CL (Re-edited) Bible (BSI)

² Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MALAKI 4:2 ပူးပေါင်းရင်းမြစ်များ

SAMUEL AKINIU 23:4

Paye tsukinheno khungkusu kukuha inaqhe tsalalo phuphuyi ye aketoike, tsughu tave kethiu tsukinhe no atsaneghu qolo yebide pesu mlapui ithulu aketoike.

LESHELE 103:3

Pano ixine kumtsu pevetsu eno ikusukini kumtsu shipivike.

LESHELE 147:3

Pano amlo ipopinyive kemiqo shipivi eno panongu zaku khavetsu.

LESHELE 61:5

O Alhou, noye ino shiniepi piqhikeu chiluvae, eno osumsa chekemiqo tsunie pikeu mheghi nono itsuke.

LESHELE 67:1

Alhou, ningu kimiye tsulo eno nikumghatsulo; kupuqhiyi nishou jupukutsulo,

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

LESHELE 85:9

Kuchouno khunoqono pa gihuni keno paye tipaqo xalunikeu kutope ani, eno niyeghilo pawu xalu ache nani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 30:26

Aqhino tsukinhe toi vuqaleive nani eno tsukinheno puzuu nguno ghuthu tsuni vuqalei kitheve nani, tiye ghulo tsuni kuvu ghulo lakhi lono ipeghikeu toive nani. Hipaqoye kughou AMPEU no pawu timiqo ghuzavekeu khavetsuno shipivini keno tileno hi kumtsu shinani.

ISAIAH 35:6

Apukhu kinitave kemino ikaulu eno ilhelu nani, atsa piphemla kemino alovi igha nani.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

ISAIAH 53:5

Ikemu nixineqo ghenguno pa ghuzaveke, nino alhoksa shikeu ghenguno pa heqhike. Pano aghichhe aghime shikeu huno ni shipivike, chishiqhikeu pano puluvetsu keu huno nipelo vithai luvepeke.

ISAIAH 9:2

Khunoqono akuzulo xuache keno akuvu kije lakhi ithuluvae. Panonguye yekhuvekeu yeghilo xuacheke, ikemu itehiye panoqo shou akuvu yepuvu ani.

JEREMIYA 17:14

AMPEU, ishipivilo eno niye atho putholughi viluve nani; ihakholuvelo eno niye xaluve nani. Noye ino sheqhe chekeuke!

JEREMIYA 30:17

Ino nongu pelo itaghi vithaivepe nani; Ino nongu ghuzaqo shipivi nani, noghumiqono ishi piaghi pinamu: ‘Zion ye haphevekeu lakhike; khunomu li tucho hijumoke!’ Ni, AMPEU no piveake.”

JEREMIYA 33:6

Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

EZEKEL 47:12

Aghokiti muku hula hilaulo asubo jeli kumtsu achuqupu shitsu nike thuipeghi nani. Tipaqo nipaye khilemu ighuivemo nani eno tipaqoye khilemu axathi pithi tamo nani. Tipaqoye aqhi atsu-tsu axathi kuxu pithi anani, kughengu tipaqoye Achineki lono qoipeghikeu zuno putsu ananike. Asuboqono achuqupu shilupe nani eno tipaqo nipaye timiqo shipivi nikeulo peithalu anani.”

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

MATTHEW 23:37

“O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?

Luke 1:50

Pa sumsakemi kumtsu shou tiqhelino tiqheli kuto kimiyekeu piye cheni.

Luke 1:78

Panongu xineqo pevetsu keu vechewono pawu timiqo vilo xakulu kighithi tsu nani. Kughengu niLhou ye kimiyekini eno kupukini ke;

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:4

Atsa huye pa lolo akuxupu ae, eno akuxupu hipauno timi lau akuvu sughitsu.

John 1:8

Johan ye akuvu ke kumoe, ikemu akuvu ghili pinike ighi.

John 12:40

“Alhou no panoqo nhethi kighichevetsu eno panoqo mlo shikughupo vetsu, Ikehu panongu nhethino ithumla, eno panongu kukumsulo vethamla, eno panoqo shipivitsu penike ilau panonguno ideghimoe.” ipi Alhou no pi.

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

John 9:4

Atsala kua lono ninguye khuno ipuwukeno pa kumlaqo mla amasae, putho shive aye khunomu mlalu chemoe.

Apostolmi 13:26

“Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

Apostolmi 13:47

Kughengu Ampeu no ahza ningu tsuvae: ‘Judakumomi ghenguno akulu lakhi shipeniye ino nongu qhike, eno ayeghiqha kuchopu ghenguno xakulupu laghi shipeni yeke.’ ”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

2 Peter 1:19

Ikehu tungkupmino Alhou tsape shikeu tsalo ninguye alaushi mutotoi kitheluvae. Hipaulo nonguno amlo tsaqutsaleyi tsukeuno akivipu shilu nani kughengu Atsala vuipeghi puzu inaqhe yepuno nongu mlolo yepuvumoke kutolo hipauno akuzu alo akulu lakhino yepuvuakeu hutoike.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

1 John 2:8

Tishipimu niye nongu lau ahzakutsu akithe yepuwu ani, kughengu tipauye Khristo lolo eno nongu lologhi kuchou akeu huke. Kughengu akuzuye wove ani eno kuchou kuvu huye vu ipecheae.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 2:28

eno ino inaqheyepu pa tsu nani.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Piyeküsü 22:2

aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.

RUTH 2:12

Nono mulavekeu lo AMPEU pelo olochile peni. Eno Israilmi MPEU Alhou chishibo qholo oshokhalu penike ghengu ighini keulo ojume tsupeni!”