MALAKI 4:1 - BAIBEL (BSI)

¹ Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

Sumi Naga CL (Re-edited) Bible (BSI)

¹ “Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

MALAKI 4:1 ပူးပေါင်းရင်းမြစ်များ

JOB 18:16

Pa kuhuno qhaive eno pa lokano ighuiveniae.

LESHELE 119:119

Nono kixikilami kumtsu tubatuzu toi peitha cheni, ikehu niye okukutsu kimiye cheni.

LESHELE 37:9

Khunono AMPEU pukhu cheni keno tipanoye aki alu pighiluve cheni, kughengu kixikilamiye hapheve nani.

IPEKULU 15:7

Akiqheu hukulushi nono oghumiqo hasuluveke; Ologhuno iquipeghi puzu aghijini toi tipaqo pitiveke.

ISAIAH 40:24

Panonguye atsuni lhothe ipeghi akelo eno ilalei akuhu qusupe akeu toike. Kughou AMPEU no amlhu mulhu peni keno, panonguye qhaive eno aghijini toi fupewuve cheni.

ISAIAH 41:2

‘Kipelauno aghutou saighikeu hiye khuno kya? eno pano khila wuni keno tokulu shipekeuye khuno kya? Khuuno kukami ngo ashiayehqo shou tokulupu pesu tsu kya? Pa zutakihi pesu ayeghimukhu toi panoqo ghiqhike. Amlhu zulo aghijini toi pa pijino panoqo kaqhi.

ISAIAH 47:14

“Panonguye pano likhi panoqo ghi xamla nani, ami kuyiquye panoqo ghenguno pughalu kepushi luvuyi keu-mi kumo nani ke.

ISAIAH 5:24

Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

ISAIAH 9:18

Kughengu timiqo wu kixikilaye ami kuyiquno aghusahu ngo asahu pitiveke toike. Hiye agha-kumhami kuyiquno amichhi phoikughi keu toike.

ISAIAH 9:19

Aqokitikhi shou AMPEU ye aloghuide anike ghenguno pano ghimeqhikeu huno ami kuyiqu toi anike kumtsu timiqo kutsaqhike eno pututa kuxu pukhauveke.

EZEKEL 20:38

Ino nongu gholo khunoqono aghekulu kumomi keno eno axine shi acheni keno tipaqo ikhive nani. Panoqono itehi khipa-alo ani keno tipau yeghi lono ino ikhive nani ikemu niye panoqo pelo Israil yeghilo idewo pemo nani. Tileno niye AMPEU kepi nonguno ithi nani.”

EZEKEL 21:32

Nonguye ami lono kutsapinyive nani. Nolikhi noyeghilo nongu jih pele nani eno khunomu nongu kumsu chile mlave nanike.’ ” AMPEU no pivae.

EZEKEL 24:11

Itehiye alazayili kumsa akeu pesu amibalu shou pepukulo eno tipau pelo huchuyi shukuthuive pelo.

EZEKEL 34:17

“Tishiaye, iwu bheri lojiqo, ni Akughushu MPEU no nongu vilo pianike ino nongu milakhi khi shou kughatha nani eno akivi ngo alomokeu kututa shi nani, bheri ngo ane kututa shi nani.

EZEKEL 7:10

Israil ghenguno kutsakungo keu tsala cheni. Heqhi buqhikeu alau shi anike. Aqhekuzaye akutsuqalo anike.

JOYIL 2:1

Alhou kimthe toghi Zion lo afuko kuyighalo, kutughukeu sutsa shilo. Juda lo akemiqo, msa khokhoshilo! AMPEU tsalaye itheno chenike.

JOYIL 2:31

AMPEU tsala akuighupu tsala kije ighinike zulo, tsukinheno zumoive nani, aqhino aji toi huchuive nani.

AMUS 2:9

“O iwu timiqo, nonguno tishi keghi niye nongu ghenguno Amarimi qhoi kutsakhaveke, timi tipaqoye kedar subo tohi chuqumghai eno aphisu toi choshiyike.

Obadiah 1:18

Jakob ngo Josef wu timiqoye ami toive nani; Amino ateni pitive keshi panonguno Isao wu timiqo kutsaleve nani. Esao polo kughukomi lakhimu puxumo nani. Ni, AMPEU no piqhiveake.”

NAHUM 1:10

Asahu kuptshupe akeu ngo qhaikeu aghijini toi nonguye pitipuhave nani!

ZEFANIA 1:14

AMPEU tsala kijehu kupunuvae, ighono kupunuvae eno payi ighi nani. Tiye kukhu kimji tsala shi nani, kughengu ghushimi amlo kuloghiu thotsu amlo hauveno igha nani!

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

ZEKHARIA 14:1

Julo, AMPEU no kughathani keu tsalaye kupunuvae. Tile Jerusalem ye xulepuwuve nani eno nongu nhekithe lono xule puwu keu hu kijelukhave nani.

MALAKI 3:15

Nino ithulukeuye aqhekuzamino alokivishi ani. Alhoksamiye kinikulu shiluke likhi kumono panonguno panoqo kumla lhoksa shikeu pesu Alhouw kheakulu ghuju cheni tishi keghi kiumu shimono aluve cheni.’ ”

MALAKI 3:18

Amikuchomi eno timi khuuno iqecheni eno khuuno iqechemo keno tipau dolo kutuquvekeu iwu timiqono itaghi ghuthu lakhiye ithulu nani.”

MALAKI 3:2

Ikemu pano ighi kelo khuno tipa tsala puqhekulupu kya? Pano ipeghi kelo khuuno xuaghikulupu shi nani kya? Paye sapun-xo susuikeu toi nani, ghukimthe chekeu mikuyiqu toi nani.

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

MALAKI 4:5

“Ikemu AMPEU tsala kije eno akuighupu ighimoke zulo, ino Elija tungkupu nongu lau puwuni.

MATTHEW 3:12

Pa ulo athi fuleve kepu phigha peani, eno pano pa niqa shikimthe puzu pa thi pekutsusawo alelo su nani, ikemu amu-uye ghapinhemla keu mi lono piti nani!”

Luke 19:43

Ongukusa tsala ighi nani, oghumino ayeghino atozu toi pesu osumxa shipuku nani, eno okhasuluve nani, eno aqha kumtsu lono osuhuluve nani.

Luke 21:20

“Kughou ghushimino Jerusalem suhope aghikeu nonguno ithuluni keno, ti kutsave nikeu kupunuvea pi ithilo.

Luke 6:23

Kughou tishini keno alokivi shilo eno alovi kelauno ilhelo, kughengu jualo, kungughalo nongu jumeye kije ke. Panongu puasuqo ghi tipaphi shi tungkupmi peitha cheke.

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.