MALAKI 3:7 - BAIBEL (BSI)

⁷ Nongu ghi, nozuu apu asuqo toi iyezah launo tsughusu wuve eno tipaqo pelu chemoke. Ilau xaideghilo eno niye nongu lau tsughu ighini. Ikemu nonguno ishi inijuke, ‘Ninguye olau ideighi nike ghenguno kiu shimasa kya?’

Sumi Naga CL (Re-edited) Bible (BSI)

⁷ Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

MALAKI 3:7 ပူးပေါင်းရင်းမြစ်များ

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

ISAIAH 65:2

Ihekibidemiqo salu nike tsala kupujulo iu sukhope laju ke, panoqoye ala kivi kumolo chechekemi eno pano lhoksa pape chekemiqoke.

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 7:25

Nopuasuno Ijip lono ipeghikeu tsala lono hipa tsala kutolo ino iqemi tungkupumi nongu lau puwu acheni.

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

EZEKEL 2:3

“Thinikuau timio, Israilmi lau ino opuwu ani. Panonguno ihebide akumou shiani eno pano puasuqo toi ihebide achephike.

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

EZEKEL 20:21

“Ikemu tipano tiqhelimiqo ghi ihebideveke. Panonguno iyezah kuboleve eno ino ahza tsukeu pemoveke, khunono tipau peluni keno akuxupu sughi cheni kelauye tipau pemoke. Panonguno Sabat pinye shipixivetsu. Timi kughuna moke-alo niye panoqo pelo iloghu kighide kumgha pupeniye eno panoqo kumtsu pithive nikeu kutoveke.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 20:8

Ikemu panonguno ihebideke eno itsa initsumoe. Panonguye panowu kuchhube kutsula su-atu julho peivemoe momu Ijipmi lhouqo phevemoke. Ijip lono panoqo pelo iloghu kighide kumgha pupeniye kutoveke.

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

ZEKHARIA 1:3

ikemu itehiye ino nongu vilo piani, Ilau ideighivelo nighi nongu lau ide ighinike.

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 3:13

“Nonguye ishou akuighupu tsa pipuanike,” ipi AMPEU no pi. “Ikemu nonguno ishi iniju, ‘Ninguye oghili kiu pipuani kya?’

MATTHEW 23:27

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguye akumona metsughoyikeu pesu nupe puakeu toike, ashouye aloqhiyi ithulu cheni; ikemu alouye kithimi saghi ngo akutsu kumnano chhitoi anie;

Luke 15:16

Paye awono khetsuthi koza chuakeu kutolo chunishi kutu anamu khunomu kiumu pa tsumoe.

Rommi 10:21

Ikemu Israilmi muzu loye Alhou no ishi pi, “Atsala kupuju aghokulukumomi eno hekibidemi lau i-u sukhope kheju acheni.”

Rommi 10:3

Alhou no timi pelo pa lau achipikalu pekeu lah panonguno jukumghaleyive puzu pano likhi pano chipiu shipe qhinikeu phuauve ikehu Alhou no timi pelo pa lau achipikalukeu lahlo panoqono chemove.

Rommi 7:9

Ayezah kuha kelo ghuthu lakhi niye xu acheke, ikemu kughou ahza kutsu hu ighive keno, axine puxuvetsu eno niye thikepu shive.

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

James 4:8

Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!