MALAKI 3:5 - BAIBEL (BSI)

⁵ Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

Sumi Naga CL (Re-edited) Bible (BSI)

⁵ “Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MALAKI 3:5 ပူးပေါင်းရင်းမြစ်များ

BOTHUBO 20:11

Abraham no ishi khocile, “Hipa-a loye Alhou sumsachekemi khumu kuha eno inipu luveni aye iheqhi pithive nani kepi ino kumsuveke.

BOTHUBO 42:18

Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo.

NEHEMIA 5:15

Izuu ahng shi ikighimiye timiqo ghimeqhi cheke, achuqupu eno aji ghenguno atsalalo tsandiyi lhobidi khuche. Panongu qemi thotsu timiqo qhasupe acheke. Ikemu niye titoi shimoe, kughengu niye Alhou msa che.

JOB 31:12

Kughengu tiye kutsakungo keu ami kughuqu ake, eno ixabo kumtsu nhuvetsuni ake.

JOB 7:2

Aqemi lakhino akicheqo khelho ake toike, aqekiqemino ajume kheju ake toike.

LESHELE 36:1

Axineno kixikilami mlolo thonheyi pisutsu cheni; paye Alhou sumsakeu kuha eno Alhou peve cheni.

LESHELE 81:8

Iwu timiqo ino nongu kutughuakeu inilo; Israil, niye nongu pelo itsa initsu penishi anike!

LESHELE 96:13

tiye kughou AMPEU no ayeghi shou ayehpenike ighini keno. Pano achipiu xakutha ngo aghibiu lono ayeghilo timiqo shou ayehpe nani.

LESHELE 98:9

kughengu pano ayeghi shou ayehpenike cheni. Pano achipiu xakutha eno aghibiu lono ayeghilomi shou ayehpe nani.

IPEKULU 1:17

Ikemu totimi hipamaye Alhou sumsakemi kehu akukau gholu moveke; pano pikeu shinike zuqhulo anga kiptimi pelo xuluvepeke.

IPEKULU 18:21

Ikemu tinguno alauno, pilu shilukemi khami kishelu puzu timiqo sakiphemi shipenike susu kepue: 1000 sakiphemi, 100 sakiphemi, lhopungu sakiphemi eno chighi sakiphemi ishi. Panonguye Alhou sukumsami, pukhubekulumi eno tuqhouno kulugho chumo kemi shimasake.

IPEKULU 20:7

“Alhoksa kimiji ghenguno ije peithamoni kughengu khunono ije peitha pusani keno Ni, nongu Lhou AMPEU no ghimeqhi nanike.

IPEKULU 22:20

“Timi khuuno ni AMPEU nguno alhou kutau lau aghashi pesu mllani keno pa shou kughatha keu shi heqhi pithivelo.”

AHOLE 16:6

Qhoqhu eno pukhukulupu shilo eno Alhou no oxine qhivetsu nani. AMPEU ghokulu shilo eno olau alhoksapu shimo nani.

AHOLE 8:13

AMPEU gihu aniaye tiye alhoksa mithivekeuke; niye aqhekuza ngo akulaki, eno alhoksa-la ngo akimki tsapi mithi cheni.

ISAIAH 57:3

Ikemu nongu axinemiqo hikidiu kughathabe kepu shi ighilo! Nonguye tughami chine, shupu salha eno kutuqha chekemi tianuliqoke.

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

JEREMIYA 27:10

Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

JEREMIYA 27:9

Nowu tungkupumiqo pina momu khuu khumu pano asamouno momu kithimi ghungu kusaghikeu lono momu kuduu lono ighinikeu ghili ashe-azu shi pitsulu nani kepi picheni keno tipaqo tsa ini kevilo. Panongu kumtsuno nongu vilo Babilon kukau qholo ngo kevilo pichenike.

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 42:5

Tileno panonguno ivilo pi, “AMPEU niLhou no nighenguno ahza otsukeu kumtsu ninguno papemo aye AMPEU no nishou kuchou eno pukhukulu thopiu shi apeniu.

JEREMIYA 5:2

Nonguno AMPEU mlla cheni kepi piaghi namu, nonguno akimki lono tushoqhi cheni.

JEREMIYA 5:29

“Ikemu hikithipu thime ghenguno ni, AMPEU no panoqo ghimeqhi nani; hipa shiayeh shou ino amukhu lunanike.

ACHINE 19:13

“Noye khiumu nedaqoda momu suxaluvekeu shi kevilo. Nono piqesu akemi jume kijili lakhi ghenguno pinamu suchilelu kevilo.

ACHINE 20:10

Timi lakhino akusami Israilmi lakhi nipu sazuvetsu aye, pa ghi eno atotiu ghi kinikujo pithivelo.

ACHINE 20:27

“Kiptimi na totimi namu kithimi ghungu sasu kusutsa kemiye atuno veqhi pithivelo; timi khuuno hipau shini keno pa kithiye pa makhoke.”

ACHINE 20:6

“Timi khunono kithimi ghungu sasu kusutsa cheni keno tipano launo akukumsu luniye wu aye, ino pa kutotsu nani eno paye iwu timiqo gholo kihisumove nani.

MICAH 1:2

Ashiayehqo kumtsuno hipau inilo; ayeghilo akemi kumtsuno hipau inilo! AMPEU Alhou no nongu shou thopiu shi nani. Inilo! Pa kimthe Achine ki lono pano pianike.

HABAKUK 1:12

O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

ZEKHARIA 11:12

Ino panoqo vilo, “Nonguno pulo aghiaye ijume itsulo, ikemu tishimoaye tipau qhiluvelo.” Ikehu panonguno tsandiyi atachu shighi mighi pesu ijume itsuke.

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 2:14

Kushiye paye tipaqo ikhilutsu chemove akela pi nonguno iniju cheni. Tiye kutau ghenguno kumono nonguno lhothemi shiake lono sasu kulaukeu nipu lau nongu shoqhi kubolevekeu pano ithi ani kehue. Liye otunake eno nonguye Alhou zulono li lau amikucho shi xucheni keu tushoqhive kethiu ghi nonguno li lau ashoqhi shikeu kuboleveke.

MALAKI 2:17

Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

Luke 23:40

Ikemu lakhiuno pa lomi pighi pi: “Noye Alhou msa mokeo? Ningu kumtsu aphiphi ghime qholo akenoku!

Rommi 3:8

Tishiaye kushiye “Akivi ipeghi penike ningu alhoksa shinie” ipimo kya? Timi khamino ni-tha-ghi hikithipu ino picheniepi inguku acheni! Timi hitoi keqoye kileqhi vekeuno achipie.

ZAKINIU 15:13

Nonguno pa puwu keulo au kumsa pa puwuve kevilo.

ZAKINIU 18:10

Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

ZAKINIU 27:19

‘Timi khuuno inaghami ngo mighimgha eno chimemiqo chipiu shipuhave tsuni keno Alhou no musuini keu pa shou ani.’ Eno timi kumtsuno khochileni,’Amen!’

ZAKINIU 5:11

“‘Alhoksa vehulo ije peitha kevilo, kughengu ni AMPEU nongu Lhou ye khunono ije peitha pusani keno tipano ghime nanike.

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

James 5:12

Ikemu ithikuzumiqo, kumtsu nguno alauno, nonguye kungugha, ayeghi momu kiukiumu pesu tushoqhi kevilo. Nonguye iye ipikepulo “Iye” ipilo eno moe ipikepulo “Moe” ipilo, tishianguno nonguye Alhou no kughathabe keulo ilomo nani.

James 5:4

Ikemu khunoqono nongu lulo ghile hutsukeno tipaqo jume nonguye khilemu tsuchemoe. Panongu ghugha inijulo! Nongu lulo ghile hutsukemiqo ghughaye Aqokitikhi Mpeu kini tovae!

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.