MALAKI 3:3 - BAIBEL (BSI)

³ Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

Sumi Naga CL (Re-edited) Bible (BSI)

³ Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

MALAKI 3:3 ပူးပေါင်းရင်းမြစ်များ

LESHELE 116:17

Niye shikimthikeu kumllagho lakhi pesu otsuni eno ikighini pesu otsuni.

LESHELE 4:5

Achipiu heqhipe AMPEU mllalo eno pa shou puluvelo.

LESHELE 4:6

Timi kutomono picheni “Kukumgha ta ithuluke ayela! O AMPEU, ogi kuvu nilau kughopuwo tsulo!”

LESHELE 50:14

Shikimthi keu pesu Alhou lau aghashipe mllalo, eno Akughushuu lau piqhivekeu hu kumtsu shilo.

LESHELE 50:23

“Timi khuno pawu shikimthikeu pesu akumllagho shighi sughinikeno paye igihu anike, eno igholu kemi kumtsu lau ino kuchouno xaluve nani.”

LESHELE 51:19

Tishianguno noye kithikiyikeu kumllagho shou amloqi nani, niwu pitipesu omllakeulo amloqi nani eno akhachelo amshitsu piti pesu mlla nani.

LESHELE 66:10

O Alhou, nono ningu ghukeju keulo sujuake, tsandiyi ami pesu ghu kimthe ketoi nono ningu ghu kejuke.

AHOLE 17:3

Shuna ngo tsandiyiye ami pesu ghu kimtheju cheni eno timi mloye AMPEU no peju cheni.

AHOLE 25:4

Tsandiyi lono abaghu ikhivelo eno tipau peithache kemiye jukivipu thime mlapheluve nani.

ISAIAH 1:25

Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 48:10

Ino ami pesu aghime tsukeu lono opeqhejuvae, tiye amiphoki lono tsandiyi ghukutsughu ketoike. Ikemu noye ame kuhakeu ino ithuluvae.

ISAIAH 61:6

Nonguye AMPEU chinemi kepi ithipe nani, Ni Lhou qemiqo shi nani. Nonguno ashiayeh kutamiqo wu kinikulu peitha nani, eno tiye nowu kepi nokijivilo nani.

JEREMIYA 9:7

Tighenguno Aqokitikhi MPEU no pi ani, “Ayi toi ino iwu timiqo ghukimtheve nani eno panoqoye pejukeulo qhi nani. Iwu timiqono alhoksa shivae, niye panoqo shou kiu shikepu kya?

EZEKEL 20:38

Ino nongu gholo khunoqono aghekulu kumomi keno eno axine shi acheni keno tipaqo ikhive nani. Panoqono itehi khipa-alo ani keno tipau yeghi lono ino ikhive nani ikemu niye panoqo pelo Israil yeghilo idewo pemo nani. Tileno niye AMPEU kepi nonguno ithi nani.”

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

DANIEL 12:10

Timi kutomono shikimthe luve nani. Timi lhoksami ye hipau vehu mtha nani. Ikemu alhoksa shikithe auve nani, alokutsumi likhino tipau ithi nani.”

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

AKIKIHI 8:6

“Israilmi dolono Levi lagha kutashi kothaphe eno panongu shikimthevelo.

Luke 3:16

Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

Rommi 12:1

Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

FILIPIAMI 2:17

Aghakishilo ihji pesu lepuku keuno nongu kupulu Alhou lau tsukulupu shiaye tiye ilokivipu nongu kumtsu sasu kusajelu anike.

FILIPIAMI 4:18

Nonguno kiu itsupuani keno tipaqo kumtsu ino ithuluvae ipikeu hike eno hiye kughokumoke, nonguno Epafrodita gholono agho ilau tsupuwukeu ithulu puzu ighakiqi shivae. Hipaqoye Alhou lau tsungquyikeu pesu mllakeu hutoike, pa lau amlokiqipu eno ikhikulupushi ghiqhipe mllakeu lakhike.

2 Tim. 4:6

Ighenguye kughape ghiqhi mllave penike kutoluvae; niye hipau kuxu phevekepu ghuloki tovae.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 12:10

Kughengu ayeghilo nipunoqoye ado ikhonheyi keu ghenguno pano mlo chipiu shipeniye ningu sakiyi qoputhu cheni, ikemu Alhou ye nikivipu ghenguno shi cheni, tiye ningu pelo pa kimthe kusaje peniyeke.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

Piyeküsü 5:10

NiLhou qe penike achinemi yehkipeqha lakhi panoqo ghengu shipe qhitsue, eno panonguno ayeghi shou ayehpe nani.”