MALAKI 3:2 - BAIBEL (BSI)

² Ikemu pano ighi kelo khuno tipa tsala puqhekulupu kya? Pano ipeghi kelo khuuno xuaghikulupu shi nani kya? Paye sapun-xo susuikeu toi nani, ghukimthe chekeu mikuyiqu toi nani.

Sumi Naga CL (Re-edited) Bible (BSI)

² Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

MALAKI 3:2 ပူးပေါင်းရင်းမြစ်များ

BOTHUBO 19:28

Pano Sodom ngo Gomora kudau aluzaqha lo jupuwu kelauye, tipaqha lono alu quakelo toi amchhi phobolei ipeghi aghikeu ithulue.

JOB 28:1

Tsandiyi chhuphelu keu khuki ani, eno shunayi thakutsughu keu a acheni.

LESHELE 130:3

Nono ni xine hekutsukiyi pe qhi puaghi aye khuuno nono kileqhive nikeu lono pokulupu kya?

LESHELE 2:7

Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

LESHELE 76:7

Ikemu AMPEU, noye kumtsuno musa ighuke, nono axuide akelo khunomu ozulo puthugho mlake.

AHOLE 25:4

Tsandiyi lono abaghu ikhivelo eno tipau peithache kemiye jukivipu thime mlapheluve nani.

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

ISAIAH 33:14

Zion lo axine shiche kemiqoye musaighu khokho shi ani. Panonguno ishi pi, “Alhou wu kughakuthaye pulhapuju ami toi iqu acheni. Ningu khuuno titoikeu mi lono puxukulupu kya?”

ISAIAH 4:4

Pa kuka kumto launo AMPEU no tipa shiayeh shou kughatha eno thakimtheni eno Jerusalem no kuqukeu ngo tilehi ajih kichijivekeu qhuvetsu nani.

JEREMIYA 2:22

Nono sapun akumghau pesu qhua namu niye okipimi oxine ithuluni aphike.

EZEKEL 22:14

Nonguye amlo kuloghipu ani kughashi kumsu ani kesha? Momu ino nongu puhake ghulokilo nongu u peqhe kulupu kumto ani kesha? Ni, AMPEU no pivae eno niye itsa qhilu chenike.

DANIEL 11:35

Alokutsumi sakiphemi dolo khami ghiqhive nani, ikemu tipau vechewo timiqo shikimthe kithelu nani. Alhou no ado lakhi kihikutha shipe qhitsu keu tsala ighimoke dolo, hitoi ananike.

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

NAHUM 1:6

Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

MATTHEW 25:10

Ikehu panonguno amizu qhuwuniye wuve kelono kulapuu hu ighive. Ilimi pungu khunoqono kutope akeno panonguye pa sasu kulakupu ghulhulo ilove eno ahukikhaye khave.

Mark 9:3

pano uakeu phiye ayeghilo timi khunomu titoi ishipe metsughoyi shi mlae.

Luke 2:34

Simon no panongu kumghatsu eno pa za Maria vilo pi; “Julo, anu hipauye Israil lo timi kutomo sunhepuku eno sunheqhi nike qhipuatsu ani. Paye Alhou kudauno amchi lakhi shiamu timi kutomono phimokeu shi nani,

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Luke 3:17

Pawu fulekepu thigha pa ulo ani, pa niqa shikimthe eno athi pesu pa lelo pekutsuni, ikemu amuuye pano inhemokeu mi lono pitiveni.”

Luke 3:9

Itehighi asubo phivilo amughu bepuani, asubo khikhi no axathi kivi pithimo nikeno yeqhive nani eno amilo vesuve nani.”

Luke 7:23

Iju pesu lipi mokemi kumghae.”

John 8:55

Nonguye khilemu pa mtha aphie ikemu niye pa ithi anie. Tsala ino niye pa mthae ipiaye niye nongu hutoi kimkimi lakhiae.

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

Piyeküsü 19:8

Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 6:17

kughengu panongu loghu tsala ighivae eno khuno tipaulo puthugho kulupu kya?”

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.

SAMUEL ATUGHIU 6:20

Tighenguno Bet Shemes lo kuami no pi, “Khuno AMPEU, hi akimthe Lhou zulo puthugho kulupu kya? Ningu launo putosu apenike ghenguno khilau puwuve kepu kya?”