MALAKI 2:7 - BAIBEL (BSI)

⁷ Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

Sumi Naga CL (Re-edited) Bible (BSI)

⁷ Kughengu achinemi lakhi kichi loye akighithi tsa pükha phetsü masa, eno timiqo ye pa tsapi lono akükütsütsa phu masae, kughengu pa ye aqokitikhi Mpeu tsapeu ke.

MALAKI 2:7 ပူးပေါင်းရင်းမြစ်များ

KUKAMI AKINIU 16:11

Tighenguno Uriya no titoike kumlla kiptia lakhi mla eno Ahaz no ide ighimphi lono mlaqhive.

KUKAMI AKINIU 16:16

Uriya no akukauno ahza tsuketoi shivetsu.

YEKIKITHI AKINIU 30:22

Levimino kutsha kughashi puzu AMPEU kumlla hoho peitha keu ghenguno Hezekiya no panoqo akishe tsuke. Atsala tsuni dolo panongu no panoqo puasu Lhou AMPEU sheqhe aghakishi kumllagho shive kethiu,

YEKIKITHI AKINIU 31:4

Tinguno alauno, akukauno Jerusalem lo timiqo vilo pipuzu achinemi ngo Levimino ithukulupu shi akeu kumllagho ghi sughi penikeu shike, tishianguno panonguye AMPEU Yezah lo shilo pi puakeu lono ado kumtsu tsulu apeni yeke.

EZRA 7:10

Ezra no amlo tsuqhiyi AMPEU yezah phi eno pelunike pulolu eno puloshoqhi kukutsu eno tipa yezahqo pe Israilmi kutsunikeu shi.

EZRA 7:25

‘No, Ezra, oLhou no alokutsu otsukeu peitha puzu Eufrati kulola ghakhulo akemi noLhou yezah qhoqhughi xuche kemi shou ayeh pepenike ghenguno Ayehkipemi eno xakuthami sukusu shilo. Noye khunono Ayezah mthakeno tipaqo shikalo.

AHOLE 5:2

Tishiaye nono kithikiyi xu kepu ithi nani eno noye akighithi kutho anikepi otsa lono michilu nani.

YETSAPIU 5:5

Piqhiveno tipau shimoveni keuye khilemu piqhi move keuno akiviuke.

ISAIAH 42:19

Iqeu nguno anhethi kighicheu khuu ani kya? Ighinikishiu nguno akini kughupou khuu ani kya?

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

JEREMIYA 15:19

Ishipikeulo AMPEU no khochile, “Nono xaide ghi aye, ino osachilelu nani eno noye itaghi iqeu shipe nani. Akukumsu kuhakeu tsa pinikeu zuqhulo nono amekuapu tsa pesu asheshu aye noye itaghi iwu tungkupu shiluve nani. Timiqono olau ideighi nani eno noye panoqo lau wukepu shimo nani.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

EZEKEL 22:26

Achinemiqono iyezah kuboleve eno akimthe jeli panonguye sumsakeu kuhae. Panonguye akimthe ngo mithe kumo dolo kutuqukeu kuhae. Panonguye muqhamiqhiyi keu ngo muqhamiqhiyi mokeu dolo kututa shi akeu shikapiye chemoke eno panonguye Sabat pinye kughuchove cheni. Tishi keu lono Israilmiye isumsa chemoe.

EZEKEL 7:26

Kutsa kungo keu lakhino lakhi papesu ighi nani, eno asutsa lhoksano lakhino lakhi shelo sughi anani. Nonguno tungkupmi vilo kiu kungunhetsu ani kela phuwu nani. Achinemino timiqo vilo kutsupiye kepu ayezah kiumu kuhave nani eno muchomiqono akukumsu kivi tsukepu kiumu kuhave nani.

DANIEL 11:33

Timiqo sakiphemi alokutsumiqoye pa lokutsupe timi kumtsu sasu kusaje nani. Ikemu ado kitila dolono panongu khami aghukishi lono heqhive nani momu amino pitiqhive nani eno timi khami anhemgha luve tsuno kughape akughumi shive tsuni.

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

ACHINE 10:11

Nonguye ino Muse vechewo ayezah tsukeu kumtsu pesu Israilmi shikapiye masa.”

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

HAGAYI 1:13

Tileno Hagayi no AMPEU tsape pesu timiqo tsuke: “Ino nongu sasu anani, tiye ishoqhike.”

ZEKHARIA 7:3

achinemi ngo tungkupmi vilo hipau vehu iniju peniyeke: “Achineki kutsalevekeu ghenguno ninguno ampe kushuwa kutolo aqhi apunguulo kumvu chekeu toi ninguye tishi mloqa achekepu keo mokya?”

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

AKIKIHI 27:21

Paye achineu Eleazar pukhu nani, pano Urim ngo Thumim peitha no ipulou ithilu nanike. Hipa ghola lono Eleazar no thwokha kumla kughutha kumtsu lo Joshua ngo Israilmi qoaho kichepiye nanike.”

John 13:20

Kuchouno ino nongu vilo pini, khunono ino puwukemi ikhilu nikeno paye ni ikhilu ani, eno khunono ni ikhilu ani keno paye ipuwuakeu ikhilu anie.”

John 20:21

Jisu no itaghi panongu vilo pi, “Alokughuno nongu gholo apelo. Apu no ipuwuke toi nighi nongu puwu ani.”

Apostolmi 16:17

Lino Paul ngo ningu papesu ighamuku ishi pi, “Timi hipaqoye shishe Akiqheu Lhou qemiqoe! Panonguye timi vilo xakulupu la kutughu chekemie!”

2 Kor. 5:20

Ikehu ninguye Khristo ghenguno lashikami ke, Alhou no ningu vechewo pa ampino nongu piputo akeu kumlhoke. Khristo she amuzu shighi ninguno nongu qhuiniju anike, Alhou lau alashiluvelo!

Galatiami 4:14

Ino kusukini shi aji puakeu ghenguno nongu gizulo pejukeu lakhi shive ikeghi nonguye iju kuchhubemo momu ipevemoke, ikemu nonguno Alhou wu kungumi lakhi momu Jisu Khristo sasulu akeshi ni ikhiluke.

ZAKINIU 21:5

Levi chinemi ghi tilau wumasa ke kughengu heqhi buqhive keu tsa kughakepu jeli kumtsulo panonguno xatha nanike. AMPEU nongu Lhou no paqe penike panoqo kishelu puanike eno pa je lono kukumgha jekubetsu peniyeke.

ZAKINIU 24:8

“Nonguno musachekeu ayiko kusu lono suakelo Levi chinemino nongu vilo kiu pini keno tipatho vejoi shilo; ino panoqo lau akukutsu tsuvekeu papelo.

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

SAMUEL ATUGHIU 2:17

Hitoi keu xine Eli nuli pamano mlache keu AMPEU zulo ighono kuthokuzu shive, kughengu pamano AMPEU mllaniye sughikeu kumtsu agigihu tsumoveke.