MALAKI 2:12 - BAIBEL (BSI)

¹² Khuno hikithipu shipuani keno AMPEU no Israilmi muqo lono ikhivetsupe nike eno nishiayehqo no Aqokitikhi MPEU lau akumllagho peighikeulo timi tipau pelo itaghi khilemu kusaje movepe nike.

Sumi Naga CL (Re-edited) Bible (BSI)

¹² Alaghami dolo khukhumu hipa gholau no akümllagho pesü aqokitikhi Mpeu tsükeu ye Ampeu pelo Jacob phiki lono ikhive peni!

MALAKI 2:12 ပူးပေါင်းရင်းမြစ်များ

YEKIKITHI ATUGHIU 25:8

Panongu kumtsu pututa kumlapu ikhiluni kelo itimi shi aghimu, kichimi shive aghimu, shitsamimu huthu tughumi mu kumtsu asaqhibe juno shicheke.

ISAIAH 61:8

AMPEU no pi, “Niye achipi xakutha kimiyeke eno nedaqodakeu ngo ghiqhi heqhi keu mithi cheni. Ino kuchouno iwu timiqo asaxu tsu nani. Panoqo sasu lhokta puloshoqhi lakhi shi nani.

ISAIAH 66:3

“Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

EZEKEL 14:10

Tungkupu ngo pa sasu kushokileniye ighikeu timi kinikujo aphiphishi aghime ithulu nani.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

HOSIYA 9:12

Ike panonguno atianuli saputhu puaghi pinamu ino tipaqo ikhisuwuve nani eno milakhimu puxumove nani. Kughou ino timi hipaqo qhiveni keno akumsa kuighupu panoqo shou ikughi nani.”

ACHINE 18:29

Nonguno ithi anike khunono aphikumqhupu hikithipu shi cheni keno tipaqoye Alhou wu timi gholo kihisumove chenike.

ACHINE 20:3

Timi khuuno pa tianuli pesu Molek tsupuzu ikimthe Phiki shipixi eno ije kimthe shiputhani keno, ino pa kutotsu nani eno iwu timiqo gholo pa kihisu move nanike.

AMUS 5:22

Kughou nonguno akiptipu akumllagho ngo athi kumllagho ilau sughi nikeno niye tipaqo ikhilutsuni chemoe; nonguno imllaniaye lhoxu ashi pubeleyi keu hu niye lutsuni chemoe.

ZEKHARIA 12:7

“Ni, AMPEU no Judami ghushimiqo paghi tokulupu tsuni, tishianguno David polo kughukomi ngo Jerusalem lo akemiqono agigihupu ithuluniye akeu huye Juda lo akemino ithuluniye akeu nguno akuloghiu shipemo nani.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MALAKI 1:13

Nonguno, ‘Ninguye hipaqo jupe angaghaivae!’ ipi cheni eno nonguno agi sukughupe itsu cheni. Imlla ani kepi nonguno puka sughikeu lhoxu momu ayiku kughupa momu kusukini lhoxu pesu ighi cheni. Niye nongu launo tipau ikhilutsu nani kepi kumsu ani kesha?

MALAKI 2:10

Ningu kumtsu apu lakhike kumo kesha? Alhou lakhino ningu kumtsu lhopheke kumo kesha? Tishiaye ninguye kushiye lakhino lakhi vilo ashoqhi shikeu kuboleve cheni eno kushiye Alhou no nipuasu sasu puloshoqhi shikeu jumithi cheni kya?

AKIKIHI 24:5

Israilmi phikiqo ye jukighilepu ke,

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

2 Tim. 3:13

ikemu timi lhoksami ngo ghaghumiye kutami pishiqhikeulo eno pano likhi pano pishiqhikeulo vimokithe acheuve nani.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

SAMUEL ATUGHIU 3:14

Tighenguno ino Eli kibolomi lau tushoqhi pivae kiu ghakishi momu kumlla nomu panonguno lhoksakugha xine mlavekeu jonha lunichemovae.”