MALAKI 2:10 - BAIBEL (BSI)

¹⁰ Ningu kumtsu apu lakhike kumo kesha? Alhou lakhino ningu kumtsu lhopheke kumo kesha? Tishiaye ninguye kushiye lakhino lakhi vilo ashoqhi shikeu kuboleve cheni eno kushiye Alhou no nipuasu sasu puloshoqhi shikeu jumithi cheni kya?

Sumi Naga CL (Re-edited) Bible (BSI)

¹⁰ Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

MALAKI 2:10 ပူးပေါင်းရင်းမြစ်များ

NEHEMIA 13:29

O Alhou, timi tipaqoye kiu toi achine kumla shikeu eno nono achinemi ngo Levimi sasu puloshoqhi shikeu shikuchhubeve tsu keno nono jupuku tsulo.

JOB 31:15

Iza polo ilhokeu huno panongu ghi lhoke kumo kesha? Eno pano atita lono ningu kughulho ke kumo kesha?

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

IPEKULU 19:4

“Ni, AMPEU no Ijipmi shou kiu shive keno nonguno ithuluvae. eno aluquno kishi achishibo lono ati xapukeno tishi ino nongu xapuke eno nongu sasu hile ighi anike,

IPEKULU 19:5

Ike itehiye nonguno igholu eno iwu puloshoqhi pelu aye nonguye iwu timiqo shi nani. Ayeqhiqha kuchopu iwu ke ikemu nonguye iwu kishe kiphemi shi nani,

IPEKULU 24:3

Muse no timiqo lau ighi puzu AMPEU no ahza tsukeu eno shilo pikeu tsa kumtsu pesu pike ike timi kumtsuno ishi khochile, “AMPEU no pikeu kumtsu ninguno shinike.”

IPEKULU 24:7

Tishi puzu puloshoqhi kaku, khilehi AMPEU zahkutsu yepuakeno pano ikhilu eno timiqo lau asutsa vekipighi tipau phisu. Timiqono pi, “Ninguye AMPEU gholunike eno pano ahza tsukeu kumtsu shini.”

ISAIAH 43:1

Israil, AMPEU oLhokeuno pi ani, “Msakevilo, ino oxalu nani. Ino aje kuughi okuluvae, noye iwuke.

ISAIAH 43:15

Niye AMPEU, nongu Lhou akimtheke. Ino nongu lhoke Israil, eno ino nongu kukauke.’

ISAIAH 43:7

Panonguye iwu timiqoke, ijekipipu shipeniye ino panoqo lhopheke.’

ISAIAH 44:2

Niye AMPEU oLhophekeuke; apolo azughoke lono ino okuphu acheke. Msakevilo; noye iqeuke, ino kimiye chekemi, ino kisheluve kemiqoke.

ISAIAH 51:2

Nongu pasu Abraham kumsujulo eno nongu iko ighikeu Sara kumsujulo. Kughou ino Abraham kulukeno tilehi paye atianuli kuhake, ikemu ino atianuliqo pa kumghatsu; Ino pa polo kughukomi pelo kihi khamla kepu shitsuke.

ISAIAH 63:16

Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

ISAIAH 64:8

Ikemu noye nipuh AMPEU ke. Ninguye aghani toi ke eno noye alikishiu toike. Nono ni lhoqhike,

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

EZEKEL 33:24

“Thinikuau timio, Israil lo aphughi ixapinyive keulo timi akeqoye ishi piani: ‘Abraham ye timi lakhi likhike, eno ayeghiqha kumtsu pa tsupuanike. Ninguye timi kutomo anike, itehi ayeghiye ningu wu ake.’

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 2:11

Juda lo akemino Alhou lau ashoqhi shikeu kuboleve eno Jerusalem lo ngo aghakhuqha kumtsulo akuighupu lakhi shiveke. Panonguno AMPEU no kimiyechekeu chineki kitiqeveke, kiptimiqono totimi inaghami lhou mlla chekemi sasu kulakupu shiveke.

MALAKI 2:8

“Ikemu nongu achinemiye alaghi achipiu vezuvae. Nongu kukutsu lono timi kutomo pelo akumou laghilo wuveapeke. Nonguye ino puloshoqhi nongu sasu shikeu kubolevae.

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

MATTHEW 22:16

Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

MATTHEW 3:9

eno nongu likhi nongu kijivilo ghi, ‘Ningu papuh ye Abraham ke,’ ipi kumsu akevilo. Ino nongu vilo pini, Alhou ye atu hipaqo ikhi pesu Abraham ghenguno atianuli kughulhove tsulu nanie!

Luke 1:73

Kikimiye ni puasu lau piye nikeu eno pa kimthe shoqhi kumsuchile lunikeu pie.

Luke 3:8

Nonguye xukithe luvae pikeu kumla pephepiyelo. Eno nongu likhi nongu dolono, Abraham ye nisu ke ipi piakevilo. Kughengu ino nongu vilo pini, Alhou ye atu hipaqo pesu Abraham lagha shivetsu kulupu anie!

John 8:39

Panonguno pa khochile, “Ningu papuh ye Abraham ke.” Ikelo Jisu no panoqo vilo pi, “Nonguye Abraham tianuli keaye pano mlakeu kumla nongu ghi mlani cheke.

John 8:41

Nonguye nongu papuh no shikeu shianie.” Panonguno khochile, “Ninguye tuqhanu kumoe. Ninguye Apu lakhi likhi ani, ike tiye Alhou ke.”

John 8:53

Panongu kumtsu pututa kilo wove, Nisu Abraham akithiu nguno nouno akijeu kepi ani kesha? tungkupumi ghi thivae. Noye okughape kiu kepi kumsu ani kya?”

John 8:56

Nongu papuh Abraham ye itsala ithuluni cheni kepi alokivishi cheke, eno pano tipau ithulu puzu alokivishie.”

Apostolmi 17:24

Alhou khipauno ayeghiqha eno tile akeu kumtsu lhokeno, pano kungugha eno ayeghi Mipeu ke eno paye timino shikeu chinekilo achenike kumoe.

Apostolmi 17:25

Momu paye kiuala avehupushi aghi nani kenia kepi pa salla kutotsu akepu kumu kuhae, le pa ampino akuxu ngo atuthu eno thwokha thime pesu timi kumtsu tsuke.

Apostolmi 17:26

Timi milakhi lau huno pano timi ashiayeh kumtsu lho, eno tipaqo pelo ayeghiqha kuchopu shou kughunalupeke. Panongu pelo ado khikuto akepu eno alughi khipa kutolo kughunakepu keno pa ampino azuuno kughuthavae,

Apostolmi 7:2

Stifan no pi, “Athikuzumi eno apuamuqo, itsa initsulo! Nisu Abraham no Mesopotamia yeghilo kughuna aphilo, eno pano Haran lo wo kughuna mphi lono ajukuvu Lhou no pa lau ipeghino

Apostolmi 7:26

Tishiwo thoghiu Israilmi kini kichighi aghikeu pano ithulu, eno pano pama dolo kulashive tsuniye shi. pano ishi pi, ‘Nitimi nokujo, nokujoye athikuzumi puzu kushiye lakhino lakhi ghimeqhi ani kya?’

Rommi 4:1

Tishiaye nishiayeh iko ighikeulo nisu Abraham ghili hu kishiepi nani kya? Pa kuxulo kiu phulu kya?

Rommi 9:10

Tilikhike kumoe, ikemu Rebeka no ni-su Isak nuli mishipu akelo,

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Ephesiami 4:25

Tighenguno akimkitsa pikevilo. Milakhikhino pa kusau vilo kuchou tsa pilo, kughengu ninguye kumtsu aphimpi lakhilo anike.

Ephesiami 4:6

Alhou lakhino ningu kumtsu pa Puh ke, pano kumtsu shou Ampeu, kumtsu lau mla ani eno kumtsulo ani.

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.

IBRIMI 12:9

Ike itaghi, ayeghilo nipunoqono nisakiyi qoputhu kelo ninguye panoqo qhoqhu acheni. Tishiaye, ninguye tinguno alaushi angu aghakupu Apu qhoqhu ghi xukepue.

JOSHUA 24:3

Tithiu ino nosu Abraham sasu Eufrati veche ighino Kanan yeghi kumtsu heche ighi. Ino pa vechewo ati anu kutomo kughuko tsuke. Ino Isak pa tsue,