MALAKI 1:2 - BAIBEL (BSI)

² AMPEU no pawu timiqo vilo pi, “Niye pulhapujulo nongu kimiye cheni.” Ikemu panonguno khochile pi, “Noye okikimiye kishi nipiye kya?” AMPEU no khochile,” Esao ngo Jakob pamaye athiazu ke ikemu niye Jakob ngo pa laghami kimiye cheni

Sumi Naga CL (Re-edited) Bible (BSI)

² Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

MALAKI 1:2 ပူးပေါင်းရင်းမြစ်များ

BOTHUBO 25:23

AMPEU no li vilo pi, “Opolo ashiayeh kini anie. Noye kuthakumlami aqo kini pununi cheni. Lakhi no lakhiu nguno akumtou shi nani; Eno akichiuno ayitiu qeu shinani.”

BOTHUBO 25:25

Atughushi punukeuye huchuyi eno amhi ghoghoi, ikehu pa je Esao kutsue.

BOTHUBO 25:26

Tipathiuno pa thikuzuu iqighie, eno Esao launhe lo tsuqupeghi iqighi keghenguno paje Jakob kutsue. Lino hipama punukelo Isak ye ampe lhotsugho shia.

BOTHUBO 27:33

Tile Isak ye khokhoshi ithauveno pi, “Imaye ashe shi pesu ighieno itsukeu huye khu kya? Nono ighinike zulono ti kumtsu chuvae eno pa kumghavetsuae, paye pulhapuju akumghau shiveniae.”

BOTHUBO 48:4

eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.

KUKAMI ATUGHIU 10:9

AMPEU oLhou shelo! Paye opesu Israilmi kukau shikulu ghenguno olau pa lokiqi akeu piye tsu ani. Kughengu pawu kikimiye Israilmi ghenguye tishikeu lono ayezah eno achipiu peithalu penike ghengunoke.”

KUKAMI AKINIU 3:8

Khipa laghiuno ninguye wuno leni kya?” pi akukau Jehosafat no khochile. “Edom ghasaqha heche susu alaghi akushuu kudauno ningu wuni” pi Joram no khochile.

ISAIAH 43:4

Niye okuxu xalunike ashiayeh kumtsu pheve nani, kughengu noye ighenguno akughupuke eno ino okimiye kehu agigihu otsuke.

ISAIAH 63:1

“Edom qhalo Bozra phughi lono chekeu hiye khuu kya? Huchuyilesu qhivutsuni ananu pepu eno akuka kumto lono ithachekeu huye khuu kya?” “Hiye AMPEU ke, akuka lono xalunike, eno pawu tokulu asheshu nike cheni.”

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 2:5

AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

JEREMIYA 31:3

ino putosuuno panoqo lau ipeghi piyeke. Israil lo akemiqo, niye pulhapuju nongu kimiyeke, ikehu iwu iqemokeu kikimiye pesu ino nongu lau piyechephike.

AMUS 1:11

AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

MALAKI 2:17

Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

Luke 10:29

Ikemu Ayezah kukutsumi huno pa likhi paye achipie pinishive kehu pano Jisu vilo iniju, “Khuuno ikisughumi kya?”

John 15:12

Ino ahza yetsu akeuye hike: Ino nongu kimiyeke toi nongu lakhino lakhi kimiyekilelo.

ZAKINIU 10:15

Ikemu AMPEU no nongu puasuqo qhuivulai keuye shishe mutotoi akehu timi kutami qhiveno nongu kisheluke eno nonguye pano kisheluve kemi shi aphike.

ZAKINIU 23:5

ikemu AMPEU nongu Lhou no Balam tsa initsumoke; tishinike zuqhulo pano musuini keu pesu kukumghapu kughulhovetsu ke, kughengu pano nongu kimiyeke.

ZAKINIU 33:3

AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.