Luke 9:5 - BAIBEL (BSI)

⁵ khile nongu sasumoni keno, tipa phughi qhivelo eno nongu pukhu lono ayeghi kukhuqhi velo, tino panongu kutughukeu lakhi shighi.”

Sümi Tiqhelimi Bible

⁵ Tsalá timi no nongu sasümo aye mishiphu tipau qhivelo eno panongu lachile akeu thopi michi shi nongu pukhu lo ayeghimukhu kukhuqhivelo.”

Sumi Naga CL (Re-edited) Bible (BSI)

⁵ Khile khilemu nongu sasümo keu-a loye kughou nongu no mishiphu tipau qhiveni keno, pano kipimi shikeu michipu shi nongu pukhu lo ayeghimkhu kutolo kukhu qhivelo.”

Luke 9:5 ပူးပေါင်းရင်းမြစ်များ

NEHEMIA 5:13

Tithiu ino apokha yi kuqhopheno sukinighi pi, “Hitoi khuno nongu shoqhi qhimoveni keno Alhou no ishi nongu no pighi akeu kumtsu pewuveno kiumu qhipe nongu tsumove nanie.” Tilehi ngo akemi kumtsuno pi, “Amen!” eno AMPEU akishe tsu. Sakiphemino panongu shoqhi peluke.

MATTHEW 10:18

Ighenguno ayehkipemi eno kukami zulo nongu sunhe sawu nani, tilano panoqo vilo eno Ashiayeh kutamiqo vilo atsakiviu shepe shipeni kehue.

Mark 6:11

Nonguno aphu lakhilo ighi kelo timino nongu sasumo aye momu nongu tsa initsumo aye tileno wuvelo eno panongu shou thopiu shipe nike nongu pukhulo ayeghimukhu dalukeu kukhuqhivelo.”

Mark 9:37

“Khunono ijelono itimi hitoi keqo lakhimu sasuthini keno isasuthi ani; eno khunono isasuthi ani keno, ilikhi kumono, ipuwu akeu ghi sasu thi ani.”

Luke 10:16

Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

Luke 5:14

Jisu no ahza pa tsu:”Hipau milakhi vilomu pikevilo, ikemu vejoi achinemi lau wulo, pa pelo olheju pelo;eno tithiuye Muse no ahza tsu keu toi aghakishi pesu tsulo, tishino kumtsu pelo noye shikimthevea kepi ithitoilu pelo.”

Luke 9:4

Khile nongu sasu keno, tipano kilo aphughi tipau qhive moke kuto tile ngolo;

Luke 9:48

eno panongu vilo pi: “Khunono ije lono itimi hipau ikhilu keno ni ikhilu anie, eno khunono ni ikhiluni keno ipuwu akeu ghi ikhilu ani. Kughengu nongu gholo khuuno akitilau keno pano akijeue.”

Apostolmi 13:51

Ikemu apostolmi pamano hipaqo sasu kusholumae pikeu shi ghi pama pukhu lono ayeghi mukhu kukhu qhiveno Ikonia lo cheve.

Apostolmi 18:6

Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”