Luke 9:41 - BAIBEL (BSI)

⁴¹ Jisu no khochile pi, “O akupulu kukuha eno kixikila tiqheli, niye khitohi nongu sasu anani kya? Eno khitohi nongu xapuqhe anani kya? Onu hilau saighilo.”

Sümi Tiqhelimi Bible

⁴¹ Jisü no khochile, “Nongu pülükümla eno hekibide tiqhelimiqo, ni ye khitohi nongu sasü anani kea? Ni ye khitohi nongu gholo ache nani kea? O nu hilau saighi lo.”

Sumi Naga CL (Re-edited) Bible (BSI)

⁴¹ Jisü no khochile, “O aküpülü küküha eno chighichilai keu tiqhelimi, ni ye khitohi nongu gholo anani eno khea lopi kea? O nu hilau saghi lo.”

Luke 9:41 ပူးပေါင်းရင်းမြစ်များ

KUKAMI AKINIU 5:8

Kiu shive anikeno tungkupu Elisha no tipau chilu kemtsa pano atsa lakhi akukau lau puwu: “Noye kushiye okumzaqhiyi ani kya? Timi hu ilau hapuwulo eno Israil yeghilo tungkupuu lakhi achekeu piyeni!”

LESHELE 78:8

Panongu pelo nipuasuqo toi hekibide, eno agholumokemi shipe moniyeke, nipuasuno Alhou pukhukeuye mutotoi moke, eno pa lau iqemokeu mikucho shimoke.

IPEKULU 10:3

Ike Muse ngo Aron pamano akukau lau wuno pavilo pi, “Ibrimi Lhou, AMPEU no pianike, ‘Noye khitohi kutolo izulo itsaqimono mili auvea kya? Iwu timiqo pelo imllape kepushi puwuvelo.

IPEKULU 16:28

Tileno AMPEU no Muse vilo pike, “Khitotohi kutolo nongu timiqoye ino ahza tsukeu agholumono aniaphi kya?

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

AKIKIHI 14:11

AMPEU no Muse vilo pi, “Timi hipaqo ye khitohi imilive ache nani kya? Ino panongu dolo akichiqhipu kumla kutomo shitsu pulano panonguye khitohi ipulu mlano auvea kya?

AKIKIHI 14:27

“Timi kixikila hipaqoye khitohi ishou muchho ache nani kya? Niye panonguno muchho keu lukumkhashi chiluvae!”

MATTHEW 11:28

“Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

MATTHEW 12:39

Ikemu Jisu no ishi khochile, “Hipa tiqhelimiye alhoksa eno Alhou phimokeqo kehu amchipu likhi phu acheni; ikemu Jona tungkupu pesu amchi shipiyevekeu thono amchipu kutauye tsumo nani.

MATTHEW 12:45

Tileno tipauno wupuzu pa nongu alhoksau aghahwu tsuni saighi puzu iloghino tile ngove. Timi tipau lhoye atughulo nguno ashekha launo alhoksau shikitheve. Tihutoi lhokusakugha tiqhelimi hipaqo lau tishitsu nani.”

MATTHEW 16:4

Kusakugha eno Alhou kumtha tiqhelimino amchipu lakhi phucheni, ikemu Jona michipu nguno alauye amchipu kutau pesu nongu tiqhelimi tsumo nani.” Tishieno paye panoqo qhive puzu wuve.

MATTHEW 17:17

Jisu no ishi khochile, “Nongu pulumla kemi eno chighichilai kemiqo! Niye khitohi nongu sasu amasa kya? Niye khitohi nongu pukuphu alo pikya? Hila pa sasu ighilo.”

MATTHEW 23:36

Kuchouno ino nongu vilo pini, itodolo akemiqo shou hipaqo kumtsu lame aghime ikughi nani!”

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Mark 10:14

Jisu no kughou ti ithulu keno axuideveno pa khopemi vilo ishi pi, “Itimiqo pelo ilau ighi pelo, panongu lakha kevilo, kughengu Alhou yehkipeye itimi hitoikeqo wuke.

Mark 10:49

Jisu no ngove eno pi, “Pa kulo.” Ikehu panonguno anhethi kighicheu hu ku eno pi, “Olokivipue, ithulo paye oku ani.”

Mark 9:19

Jisu no panoqo vilo pi, “O nongu akupulu kuhakeqo, niye khitohi kutolo nongu gholo achelo pikya? Niye khitohi kutolo nongu xaqhe alo pikya? Onu ilau saghilo!”

Luke 8:25

Pano panongu vilo pi, “Nongu kupulu khile ani kya?” Ikemu panonguye akichiqhi msave, eno lakhino lakhi vilo pi: “Paye khuu keno amulhu ngo azu ahza tsukelo tipaqo ghi pa gholu kya?”

Luke 9:40

Ino okhopemi vilo ti haphevetsu lopi qhuiniju ikemu panonguye shimla vae.”

Luke 9:42

Pano wuche-phi lono tughakusano panu tukuluqhiveno pa sukughuthaqhi. Ikemu Jisu no tughakusa lomi pive, anuye shipiviveno papuh lau puwuve.

John 14:9

Jisu no pa khochile, “Filip, niye hitotohi nongu sasu a-ighivea puzu noye itehi kutolo nimtha kesha? Khunono ni ithuluve akeno paye Apu ithuluvae. Tishiaye noye kishi puzu, ‘Apu ningu piyelo’ ipi kya?

John 20:27

Tishieno pano Thoma vilo pi, “O-u loti hile suju eno i-u julo; tishi puzu o-u chhopheno ijibolo sujulo. Omlo lipi kevilo ikemu pulululo!”

Apostolmi 13:18

eno asayeqhalo ampe lhobidi kutolo panongu tucho-mujoe.

Apostolmi 2:40

Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

ZAKINIU 32:5

Ikemu nonguye amikucho kumo eno pawu timi shikuzupu kumoe, axinepu eno pishikiqhi shiayeh lakhi.

IBRIMI 3:19

Ike ninguno ithulu anike panonguno tipaulo ilomlavekeuye pulumoke ghengunoke.

IBRIMI 4:11

Tighenguno ninguye pukaputsa puzu alokughuno tipaulo iloni nolo, eno ningu gholo milakhimu panongu toi agholumokeu shiveno ilomlave nosake.

IBRIMI 4:2

Kughengu ningughi panoqo toi Atsakiviu chiluveake. Panonguye atsape tipau chilu ikemu tiye panoqo kivipu shimlaveke, kughengu panonguno tipau chilu kelo akupulu supuzu tipau ikhilumoveke.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.