Luke 9:26 - BAIBEL (BSI)

²⁶ Kughengu khunono ni eno itsape shinikeulo kujoveni keno, Timi Nu ghi pa jukuvu, Apu jukuvu eno akimthe kungumiqo jukuvu lono ighikelo pano tipano je piphetsumove nani.

Sümi Tiqhelimi Bible

²⁶ Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

Sumi Naga CL (Re-edited) Bible (BSI)

²⁶ Khuu no ni eno I tsa ghenguno kujoveni keno Timi Nu ghi kughou pa juküvü eno Papu ngo kimthe kungumi juküvü lono ighini keno, pa ghenguno kujove nani.

Luke 9:26 ပူးပေါင်းရင်းမြစ်များ

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

DANIEL 7:10

Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 26:64

Jisu no ishi pa khochile, “Nono ti pivae. Ikemu ino nongu vilo pini, hinguno hipathiuye Timi Nu no Akukakumto u-ajeu iqa akeu eno atsutsulo khungkusu shouno cheghikeu nonguno ithulu nani.”

Mark 8:38

Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”

John 12:43

Kughengu Alhou no sheqhepe nikeu nguno alauno timino sheqhekeu panonguno kimiyekutue.

John 5:44

Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

2 Kor. 12:10

Tishikehu Khristo ghenguno tomo chhimokeu, phimo gihumokeu, ghichhe ghime, akijipusakeu eno amlo kighishi sholu kelo niye amlo qiqhiyi cheni; kughengu kughou ino tomo chhimono ani keno tilehino ino mutotoilu cheni.

Galatiami 6:14

Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae.

1 Tim. 5:21

Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

IBRIMI 11:26

Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

IBRIMI 13:13

Tighenguno ninguye kughunachekeua nguno khalau pa lau wuni eno pa jukunatha keu kusajeni nolo.

Jude 1:14

Hiye Adam lono tiqheli akutsuniulo ikoighi akemi Enok no khaghi timi hipaqo ghenguno ishi pivae: “Ampeu no phikhakumla kungumi akimthemi sasu ighi puzu

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 3:5

Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.