Luke 9:20 - BAIBEL (BSI)

²⁰ Pano panongu vilo pi, “Imaye, Nonguye ni pesu khuu ipi chenia?” Pitor no khochile pi, “Alhou wu Mesiya ke!”

Sümi Tiqhelimi Bible

²⁰ Pa no iniju, “Imaye nongu ye kíshi kea? Nongu ye ni ye khuu ipi cheni kea?” Peter no khochile, “Alhou’w Messiah ke.”

Sumi Naga CL (Re-edited) Bible (BSI)

²⁰ Pa no itaghi pi, “Imaye nongu ye ni ye khuue picheni kea?” Peter no khochile, “Alhouw Messiah ke.”

Luke 9:20 ပူးပေါင်းရင်းမြစ်များ

MATTHEW 22:42

“Mesiya vehu nonguye kiu ithi ani kya? Paye khuno polo kughuko kya?” “Paye David polo kughukomike” ipi panonguno khochile.

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

MATTHEW 5:47

Tsala nongu thikuzumi likhi sasu petha shiaye, kutami nguno nongu pachi kiu shipuani kya? Ashiayeh kutami ghi tipaphi shichemo kesha?

Mark 14:61

Ikemu Jisu no inaqhoive eno kiumu khochilemo. Itaghi achinetouno pa vilo iniju, “Noye Alhou akumghau Nu, Mesiya kesha?”

Mark 8:29

Tile pano panoqo vilo iniju, “Imaye, nonguye niye khuu kepi cheni kya?” Pitor no ishi khochile, “Noye Mesiya ke.”

Luke 22:67

“Nivilo pilo, noye Alhou no kishephe puwukeu Mesiya kesha?” Pano khochile pi: “Ino nongu vilo piaye nonguno ipulumo nani,

Luke 9:19

Panonguno khochile pi, “Khamino noye Johan Baptist kutamino noye Elija, itaghi khamino khaghi tungkupmi gholono lakhi xuchile ighi ani ipi picheni.”

John 1:41

Atughushi pano pa thikuzuu Simon phuwu puzu pa vilo ishipi, “Ninguno Mesiya sasu kusholuvae” (hipatsa kiqiye “Khristo.”)

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 11:27

Lino pa vilo pi: “Iye, Ampeu, ino pulu akeuno noye Alhou Nu Khristo ayeghilo ighini kuau huke.”

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 4:29

“Timi lakhino ino kiu mla puani keno thwokha lhepesu ivilo piveake ighino timi tipau julo.”

John 4:42

tipaqono atotiu vilo pi, “Nono pikeu ghengu likhino puluke kumo puzu ningu ampino pano pikeu chiluvae, eno kuchouno paye ayeghilomi xakuluu kepi ninguno ithivae.”

John 7:41

Khamino ishi pi, “Hipauye Mesiya ke!” Ikemu kutami khamino pi, “Mesiya ye Galil lono ighini kesha?

Apostolmi 17:3

eno Khristo ye ime mayesavekeu eno akithi lono ithukeu hi kuchoyesu lono chixechileyi phukide kudayi piye. Paul no pi. “Hi Jisu khuu pesu ino nongu vilo pi ani keno paye Khristo ke.”

Apostolmi 8:36

Panonguno chesusu iqichekelo azu akeu-alo ighi, ike khashishivekemi huno pi, “Julo, azu hi ani. Baptiz shiluve nikeulo kiualano ilakha kepu ani kesha?” [

Apostolmi 9:22

Ikemu Saul ye pa ghuthi kuxu alau shiuve, eno Jisu ye Mesiya ke pikeu kuchou tsa Damaska lo Judami kughuna-akeqo mlolo putsaqhitsu ikehu panonguye pa lamlavekepu shive.

1 John 5:1

Khunono Jisu ye Mesiya kepi pulube cheni keno paye Alhou nulike; eno khunono apu aza kimiye cheni keno ati anuli ghi kimiye cheni.