Luke 7:24 - BAIBEL (BSI)

²⁴ Johan ghinikishimi wove kethiu, Jisu no Johan ghili aqokitikhi vilo pithu: “Nonguye kiu juniye yenguyike alo wukya? Amlhuno ayeghu fukinikeu keo?

Sümi Tiqhelimi Bible

²⁴ John ghini-kishimiqo no wove kethiu Jisü no aqokitikhi vilo John ghili pithu: “Nongu ye küghünamokeu-a lo kiu ju niye wu kea? Amlhü no ayeghübo fukini akeu ju niye wu keshea?

Sumi Naga CL (Re-edited) Bible (BSI)

²⁴ Kughou John ghinimi no wuve keno, Jisü no aqokitikhi vilo John ghili pesü pi thuve: “Nongu ye yenguyi ke-a lo kiu juniye wu kea? Amülhü no ayeghü fukini keu keo?

Luke 7:24 ပူးပေါင်းရင်းမြစ်များ

BOTHUBO 49:4

Azukuqo kighide toi, noye akhotou shimo nani, kughengu nono opu nipu sasu zue. Nono izualo ikuno ti shikuchhube vetsue.

Luke 1:80

Anuye aphimpi eno aghungulo mutotoi thuwuve, paye Israilmi gizulo pephepiye moke tsala kutolo yenguyelei keu-alo xuache.

Luke 3:2

eno Anna ngo Kaifa pama no achinetomi shiae. Tipa ghulokilo Zakharia nu Johan no yenguyeleikeu-a lono Alhou tsa pa lau ighie.

Luke 7:23

Iju pesu lipi mokemi kumghae.”

Luke 7:25

Maye, nonguye kiu juniye wu kya? Timi lakhi muduni keu phi mini ukeu keo? Julo, khunono titoikeu phimini uni eno nibonile xu ani keno akighekilo aghi cheni.

John 1:23

Johan no Isaya tungkupuno pipua keutsa lono hitoi khochile, “‘Timi kughunamokeu-a lono milakhino ishi ighamuku keu sutsa huke: AMPEU no wukepu laghi lakhi mzuchoyi shilo!’ ”

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

2 Peter 2:17

Timi hipaqoye thovekeu zupuki toike eno pasapaghano khungkusu fupesu chekeu toike; panongu ghenguno akuzukutholo Alhou no a-a lakhi kutope puani.

2 Peter 3:17

Tighenguno kimiyechekemiqo, tishimphi lono nonguye hipau ithilo. Nonguye kutokupuyiluvelo, tishianguno nonguye ayezah pemokemi kipimi gholo musu sawuve nosake eno nonguno tsaqutsaleyi akeua lono ikiqive nosake.