Luke 7:21 - BAIBEL (BSI)

²¹ Tipa tuqhudolo kusukini, ghicheghime eno tughakusa akeqo kutomo shipivitsu, eno anhechemi kutomo ithukulupu tsue.

Sümi Tiqhelimi Bible

²¹ Tipau tüqhüdo lo Jisü no aküsǜ jeli, küsükinimi eno tüghaküsa ghawu akeqo kutomo shipivi tsü, eno anhethi kighichemi kutomo pelo ithuluve pe.

Sumi Naga CL (Re-edited) Bible (BSI)

²¹ Tipa tüqhüdo lo Jisü ye aküsü jeli, püsa, eno aghawu lhoksa no sa-a kemi kutomo shipivi ae, eno anhechemi kutomo lau ithukulu tsüae.

Luke 7:21 ပူးပေါင်းရင်းမြစ်များ

KUKAMI ATUGHIU 8:37

“Kughouno aghakhulo puqumiye ighi momu tusatugha ighi momu axaboqo amlhuno fuqhi pithive, momu tulhaqu loji ighino axabo kutsave tsu momu aghumino ighino owu timiqo le ighini keno, momu akusu lhoksa ipeghi momu panongu dolo kusukini ipeghini keno,

ACHINE 14:48

Kughou achineuno juniye ighini keno aki tipau nuda kitheve keulo akughumhoye ipeghi kithemove aghi aye aki tipauye achinepulo mithe ani kepi pano pivetsulo, kughengu akughumhoye qhoi ikhikhave ake.

MATTHEW 4:23

Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

MATTHEW 4:24

Pa jekipiye Siriya yeghi bocho kumtsulo vekuphawove, ikehu akusupu jeli thwokha lono ichhe-ime aghikeqo kumtsu, eno suaghikeu, tughakusano sa-aghikemi, kilighakipemi, eno aghi-anhu thivekemi pa lau saghike Jisu no panoqo shipivitsue.

Mark 3:10

Kughengu pano timi kutomo shipivive, ikehu kusukinimi kumtsuno pa diluniye pa koha ighi ae.

Mark 5:29

Pano uchekeu phi lino bulue ike paikhavino lino aji pochekeu tave, eno liye akusu suakeu lono viluvea kepi li philo ithi ighive.

Mark 5:34

Jisu no li vilo pi, “Anga, okupuluno oshipivivae. Alokughunoshi wolo, eno okusu lono noye vithai luvae.”

Luke 7:20

Pamano Jisu lau ighi eno pi; “Johan Baptist no iniju lopi ni puwue, ‘Ti ighiniepi chekeuhu, no kema? Ikeo ninguye kutami khe aghini kya?’ ”

IBRIMI 12:6

Kughengu Ampeu ye pano kimiyekemi sakiyi qoputhu cheni, Eno pano ikhiluakeu nuliye pano hecheni.”