Luke 7:19 - BAIBEL (BSI)

¹⁹ Ampeu iniju penike pama puwu, “Ti ighiniepi chekeuhu, no kema? Ikeo ninguye kutami khe aghini kya?”

Sümi Tiqhelimi Bible

¹⁹ pa no Ampeu vilo, “No ye ighi niye akeu hu keo, ningu ye kütami huqhe aghílo pi kea?” ipi iniju penike pama puwu.

Sumi Naga CL (Re-edited) Bible (BSI)

¹⁹ pa khopemi kini kuno Jisü lau atsa hipau ighiju wupe, “Milakhi khuu ighini keu shi akeno, tihu no keshea, ikeo ningu ye kütami juwulo pi kea?”

Luke 7:19 ပူးပေါင်းရင်းမြစ်များ

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

ISAIAH 11:1

Jese suzungu lono apishe lakhi ipeghi nani eno pakuhu lono aloka lakhi ipeghi nani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

Mark 6:7

Jisu no pa khopemi chighikini kukutsu puzu kini-ni kumtsa puwu. Panongu pelo tughakusa haphelukepu kuka tsu.

Luke 10:1

Hipa thiu Ampeu no kutami lhotsuni kishelu eno kininino pano wuniepi akeu phughilo pa zuuno puwue.

Luke 11:1

Ghuthu lakhi Jisu no a-a lakhilo inikhua. Pano tavekethiu pa khopemi lakhino pa vilo pi, “Ampeu, Johan no pa khopemi shika kehu toi akighini ningu shikalo.”

Luke 11:39

Ampeu no pa vilo pi, “Pinikeu loye nongu Farisimino ajukhu ngo akhu ashou likhi mithe cheni, ikemu nongu lo alou ye angukano xukeu xesuxenino chhitoi anie.

Luke 12:42

Ampeu no khochile pi: “Tishiaye khuuno pichebekulu eno alokutsu qeu atou kya? Paye pa mpiuno pa kilo akukughuu shipeniye qhikeu, ti akilo kumla kughutsu eno aqemi kutamiqo ado achipi lono achuqupu kijetsu peniye qhike.

Luke 13:15

Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya?

Luke 17:5

Akhopemino Ampeu vilo pi, “Ni kupulu kughuko tsulo.”

Luke 17:6

Ampeu no ishi khochileve: “Nonguno aghanethi pahimu akupulu aghi aye, militasubo hipau vilo, ‘Okuhu lono olikhi osujo pesu ayizulo shosuluvelo’ ipi kelo tino nongu gholu nani.”

Luke 18:6

Tileno Ampeu no pi: “Ti chighichilai keu kughakuthauno kiu piakela inilo.

Luke 19:8

Ike Zakhai no puthughono Ampeu vilo pi, “Iniju tsulo, Ampeu! Ino pighiakeu tuxa pesu kumlhomi tsuni, ino khuala pishi puaghi aye, tipa theli ghuthu bidi tsukideveni.”

Luke 22:61

Jisu no homxa ideghi eno vejoi Pitor ju, tile Pitor ye Ampeu tsa kumsuchileluve, khikhi pano pi puakeu, “Awuduno ishi ighamphi zulo nono imthae pi ghuthu kuthu pi nani.”

Luke 24:34

“Kuchouno Ampeu ye ithuvae! Simon no pa ithuluvae!” ipi aghikeu phulue.

Luke 7:13

Ampeu no li ithulu kelo li kimiyeqhiyi keuno pa mlo chhitoiveno li vilo pi, “Qa kevilo.”

Luke 7:20

Pamano Jisu lau ighi eno pi; “Johan Baptist no iniju lopi ni puwue, ‘Ti ighiniepi chekeuhu, no kema? Ikeo ninguye kutami khe aghini kya?’ ”

John 11:2

Maria hipauye tsungquyikeu teli pesu Jisu shou lepuku puzu lino li sa pesu pa pukhu isuve tsukeu huke, ike li peu Lazar ye suake.

John 4:1

Johan nguno Jisu no alau shi kutsuno baptiz shitsuno akhopemi shiluve anipikeu sutsa Farisimino chilukeu Jisu no ithive.

John 4:25

Totimi huno Jisu vilopi, “Mesiya khuu Khristo ipi cheni keno tipau ighi nani kepi ino ithi ani. Kughou tipauno ighini keno pano thwokha nivilo lhe nanike.”

John 6:23

Tishi akelo, Tiberiya alono ashuka hami ighi eno Ampeu no khilehino Alhou shikimthi puzu timi aqo kitikhino asho chukeno tipa-a phivilo ighi.

JOSHUA 2:1

Tithiu Joshua no pukujumi kini Akasia pushoa lono tuqhouno Kanan yeghi, akhotono Jerikho phughi puju penike puwu. Kughono pamano aphughilo ighikeno tipaji pama ye Rahab kutuqhaliu kilo ngove

Piyeküsü 11:3

Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”