Luke 6:23 - BAIBEL (BSI)

²³ Kughou tishini keno alokivi shilo eno alovi kelauno ilhelo, kughengu jualo, kungughalo nongu jumeye kije ke. Panongu puasuqo ghi tipaphi shi tungkupmi peitha cheke.

Sümi Tiqhelimi Bible

²³ “Kughou tishini keno tipa tsalani alovishelo eno alokivi lau no ilhe lo, kughengu kungugha lo nonguw qesaxu kijè ani. Kughengu panongu pù-asüqo ghí tipaphi shi tungkupumiqo peitha cheke.

Sumi Naga CL (Re-edited) Bible (BSI)

²³ Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

Luke 6:23 ပူးပေါင်းရင်းမြစ်များ

SAMUEL AKINIU 6:16

Abohu pesu aphughilo iloghi kemtsa Saul nga Mikhal no alashe lono pishipipe jukeloye akukau David ghi ilhe kakai kungu ilhe-ikughi ti akimthe kighilhe shi aghikeu ithuluno liye paju aphimqhuve.

KUKAMI ATUGHIU 18:4

kughou Jezebel no AMPEU wu tungkupumi heqhi akeno Obadia no pano 100 sasu amqo kini shino atuki lo kusuve eno achuqupu eno azu pesu ighino panongu loji ae).

KUKAMI ATUGHIU 19:10

Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI ATUGHIU 19:14

Pano khochile, “AMPEU Alhou akughushuu, niye olikhi ohuthu acheni ikemu Israilmiye panongu puloshoqhi hu hephove, okumlla kiptia kubove eno owu tungkupumi kumtsu pithikhavetsua. Ilikhivae, eno panonguye nighi ipithiveniye kuto anie.”

KUKAMI ATUGHIU 19:2

Lino asutsa lakhi Elija lau puwu: “Nono kiutoi tungkupumi lau mlakeno thoghi tsalalo hipa ghulokilo okuxu ghi panongu toi pithilumo aye alhouqo pelo niu heqhi pithive peniu!”

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

KUKAMI ATUGHIU 22:27

Pama vilo pa kughapesu akughukilo khatha puaghilo pilo eno asho ngo azu likhi pesu ino akivishi ideghimoke kutolo tsu aghipelo.”

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

KUKAMI AKINIU 6:31

“Alhou pelono ipithive peniu, tsala ino ishino Elisha pithimlave aye” ipi akukauno ashoqhi shive.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

LESHELE 58:11

Timino ishi pinani, “Kuchouno amikuchomi ghenguno asaxu ani; kuchouno ayeghilo xakuthau Alhou anike.”

ISAIAH 35:6

Apukhu kinitave kemino ikaulu eno ilhelu nani, atsa piphemla kemino alovi igha nani.

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

MATTHEW 5:12

Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

Luke 1:41

Elizabet no Maria sutsa chiluke mtsa angano li polono ithauve, Elizabet ye Aghungu Kimthe no chhitoive,

Luke 1:44

Kughengu nono putsakeu sutsa chiluke mtsa ipolo angano alokivi launo ithawuve.

Luke 6:35

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

Apostolmi 14:10

eno asutsa qhemghai ghi pi, “Opukhu xapu muzuchoi puthugholu lo!” Timi huno ilhethuve puzu iqho iqi ala chethuve.

Apostolmi 3:8

Pano ilhethughi puzu puthugholuve eno cheqho-cheqi, ilheku-ilheqi puzu Ampeu sheqhe ghi pama sasu achinekilo ilove.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 5:3

Tinguno alauno ningu wu shilukusaqo lomu alokvishi acheni,kughengu nino ithi akeuno shiluksano kutuukulushi theqhilukeu iqiphe cheni,

2 Kor. 12:10

Tishikehu Khristo ghenguno tomo chhimokeu, phimo gihumokeu, ghichhe ghime, akijipusakeu eno amlo kighishi sholu kelo niye amlo qiqhiyi cheni; kughengu kughou ino tomo chhimono ani keno tilehino ino mutotoilu cheni.

Kolosiami 1:24

Nongu ghenguno ino aghime sholukeulo niye itehiye alovi ani. Kughengu iphilo aghime sholuakeu vechewo Khristo no pa phimpi, akukuhou ghenguno aghime shikepushi akeu ino shikuputsu anike.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

IBRIMI 11:26

Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

IBRIMI 11:6

Akupulu kuhakeloye timi khumu Alhou mlo kiqipu shi mlae. Kughengu khunono Alhou lau ighini keno paye Alhou acheni eno pa phusu ighikemiqo pano asaxu tsuchenikepi akupulu aghimasae.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Piyeküsü 2:26

Khunono theqhikulushi toluni eno ashekha kutolo ikumla peluni keno, ino iPuh launo akuka ithuluke toi panongu pelo ashiayeh peithalu kepu kuka ino tsu nani.

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.

Piyeküsü 3:12

Khunono theqhikulushi tolunikeno, ino pa pelo iLhou chinekilo atsukucho lakhi shipe nani; paye tipau lono khilemu khalau wuvemo nani, eno ino pa shou iLhou je eno iLhou phughi je yepuku nani. Aphughi tiye kungughalo Alhou launo iqighinikeu Jerusalem akitheuke. Ije akitheu ghi ino pa shou yepuku nani.

Piyeküsü 3:5

Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.