Luke 4:23 - BAIBEL (BSI)

²³ Pano panongu vilo pi: “Mtsuqheino nonguye ivilo hipau tsa pi nani,’Shikipiviu, olikhi oshipivivelo’ eno ‘khipaqo Kapernaum lo shiepi ninguno chilukeno, nophu yina hilehi ghi tipaqo shilo!’ ”

Sümi Tiqhelimi Bible

²³ Jisü no panongu vilo pi, “Kuchou no nongu ye I vilo ahole hipau tsatho pi nani: ‘Shikipivimi, O likhi O shipivi lo!’ Eno nongu no I vilo ishi pi nani, ‘Nono Capernaum lo mülà keu ningu no chilu keu toi O punugha hilehi ghí tipaqo shilo.’ ”

Sumi Naga CL (Re-edited) Bible (BSI)

²³ Jisü no panoqo vilo pi, “Mtsüqheino nongu no I vilo ahole hipau pi nani, ‘“Shikipiviu, o shipivi lo.” Nono Capernaum lo mla keu ghili nino kiu chilu püani keno, hilau o punugha lo ghi shiju nipi.’”

Luke 4:23 ပူးပေါင်းရင်းမြစ်များ

MATTHEW 13:54

eno pano ghami phulo ighi. Pano panongu Sinagog lo wu puzu panoqo kutsu eno pa tsa chilukemiqoye shishe akichiqhive puzu ishi iniju, “Timi hipauye khileno alokutsu hikithipu ithulu eno khileno akumzapu kumla hipaqo ithulu kya?

MATTHEW 4:13

Paye Nazaret taunlo ngomove puzu wuve eno Galil zughi phivilo Kapernaum taunlo acheuve. Hiye Zebulun ngo Naftali kuma kokutha bocholoke .

MATTHEW 4:23

Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

Mark 6:1

Jisu no tipa-a qhive puzu pano ghakhulo ighi eno pa khopemino pa gholo che.

Luke 2:39

Ampeu yezah lo akeu kiqi lono panonguno thwokha shikupuve kethiu Galil lo pano phu Nazaret lo idewove.

Luke 2:51

Pano pama sasu Nazaret lo iqighi,Pano pama gholu eno pazano hi kumtsu li mlolo qhiluve.

Luke 4:16

Tithiu Jisu ye pa saputhu keua Nazaret lo wu eno apineni pa lhoayehlo shichekeu toi Sinagog lo wu. Pano kuchoyesu phiniye puthugho.

Luke 4:31

Tithiu paye Galil lo Kapernaum phulo iqive eno apineni timiqo kutsue.

Luke 4:35

Ikemu Jisu no pa lomipi; “Inaqhoi velo! eno pa launo ipeghivelo.” Tughakusano panongu zulono timi hu sunhekuluqhive ikemu kiumo ghime mono pa launo ipeve.

Luke 6:42

Kishi puzu othikuzuu vilo, ‘athikuzuu, onhethilo amihi akeu ino ikhipheve tsuni,’ ipi chenia, le olikhi onhethilo asulu nono ithumla kenoku? No kuhakughau! Atughushi olikhi onhethilo asulu ikhivelo, eno tishianguno othikuzuu nhethilo amihi ikhiphe nike nono tsughukhuyi ithulu nani.”

John 4:28

Tileno totimi huye li zuhughi qhiveno taun lo idewove eno tilauno timiqo vilo pi,

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.