Luke 4:18 - BAIBEL (BSI)

¹⁸ “Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

Sümi Tiqhelimi Bible

¹⁸ “Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Sumi Naga CL (Re-edited) Bible (BSI)

¹⁸ “Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Luke 4:18 ပူးပေါင်းရင်းမြစ်များ

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

YEKIKITHI AKINIU 34:27

nono izulo xaidelu puzu chuni iqighike, ino Jerusalem ngo tile akemiqo ghimeqhini keu shi shikumsa keu nono chilu puzu ophimini suxuveno mloqah ke. Niye okighini chiluvae

LESHELE 102:20

Akughu shi akemi ghime ghugha pano chilu, eno thivepeniye kughathavekemi kuqhopheve.

LESHELE 147:3

Pano amlo ipopinyive kemiqo shipivi eno panongu zaku khavetsu.

LESHELE 2:2

Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 34:18

AMPEU ye amlo ghujumi kupunukhoi ani; Lajupu puhave kemi pano xalu cheni;

LESHELE 45:7

Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

LESHELE 51:17

Alhou no ikhilutsu nikeu kumllaghoye amlo kughujuke; O Alhou, amlo kughuta kughuju shi olau ighikeu noye mithive chemoe.

ISAIAH 32:3

Panoqo nhethi eno akiniye timiqono avehupu shiakeu kudau kughopuwu nani.

ISAIAH 35:5

Anhethi kighichemino ithikulupu shi nani, eno akini kughupomino chilu nani!

ISAIAH 42:7

Nono anhethi kighichemi nhethi lhaphe tsu nani eno akuzu kughukilo ngo akemi khaqhiphe nani.”

ISAIAH 45:13

Ni ampino Cyrus pelo peithawo penike xukuthoke ikimji shikupu eno thimeqo achipilo qhipeni yeke. Pano pulachekeu laghi kumtsu ino sukumzu nani. Pano iphughi Jerusalem shikithe puku nani, eno iwu timi akughushi akeu lono kuqhophe nani. Hipau shinike khunomu pa piqe puamoe momu kulugho pa tsu puamoe.” Aqokitikhi MPEU no piveake.

ISAIAH 49:9

Ino akughumiqo vilo, ‘khaqhiphe veake wolo!’ ipi nani; eno khuno qono akuzulo ani keno, ‘ akuvulo ipeghivelo!’ ipi nani. Panonguye bheriqono aluzalo achumuza akeutoi nani;

ISAIAH 50:4

AMPEU Alhou no kiu pikepu keno ishikapiyevae, ikehu ino kulho kughomi shikumtolu nani. Inaqhe atsu-tsu pano kiu ishika piyeni keno azukini shi iniche nipe.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 59:21

Ino nongu sasu puloshoqhi lakhi shiani: Ino ikuka ngo ikukutsu alhokupujulo nowu shipe nike nongu tsu ani, hinguno hilauye nonguye igholuno nongu nuliqo eno nongu tianuliqoye ighinikeu ghuloki kutolo igholu che penikeu shika masake.”

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

ZEFANIA 3:12

Tilehi ino akumtshami eno aqhokighemi qhipua nani; panonguno akukuphu phususu ilau ighi nani.

ZEKHARIA 11:11

Ikehu puloshoqhiye tipa tsalani lono hexaveke. Bheri qhu chekemi eno je chekemino ijukuto ake, ino kiu shiakeno tipau vechewo AMPEU no piakepi panonguno ithiae.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

MATTHEW 12:18

“Julo, ino kisheluvekeu iqeu, Ino qhuivulai chekeu, pa shou imlo kiqi acheni. Ino pa shou iGhungu betsu nani, Pano Ashiayeh jeliqo vilo iwu kughakutha sheshu tsu nani.

MATTHEW 12:20

Paye sukuho puakeu yeghu suchhemo nani, momu inhemimi keu kulu pinhevetsumo nani. Kuchou xakutha pelo theqhiluvepe moke kutolo pano sache nani;

MATTHEW 4:16

Akuzulo achekemino akuvu kije lakhi ithulue, Akithi zumoyike yeghilo ngo achekemi shou akuvuno yepuvuvae!”

MATTHEW 5:3

“Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

Luke 4:17

ike Isaya tungkupu kaku ikhipe pa tsu. Pano likukuzu kaku lhaphe kelo hi yepuaghikeu ithulu:

Luke 6:20

Jisu no pa khopemiqo juno pi: “Nongu kumlhomiqo kumghae; Alhou yehkipe qhaye nongu wue!

Luke 7:22

Pano Johan khopemi vilo khochile pi: “Idewono Johan vilo nonguno kiu ithuluvea eno chiluvea keno pilo: anhechemino ithulu ani, apukhu kighichemino chewulu ani, apughami shikimthelu ani, kithimi puxuve ani eno Asutsa Kiviu pe kumlhomi lau asheshulu ani.

John 1:41

Atughushi pano pa thikuzuu Simon phuwu puzu pa vilo ishipi, “Ninguno Mesiya sasu kusholuvae” (hipatsa kiqiye “Khristo.”)

John 12:46

Niye akuvu shi-ghi ayeghiqhalo ighivae, ike khunono ipulu nikeno tipaqoye akuzulo akepu kumoe.

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Apostolmi 4:26

Ayeghilo kukamiqono kutope ighi eno ayehkipemino kuhokumqoe— Ampeu eno pawu Mesiya sasu shiniyeke.’

Apostolmi 4:27

Kuchouno aphughi hipaulo Herod ngo Pontio Pilat pamano Judakumomi eno Israilmi sasu kuhokumqono akimthe oqeu Jisu nono Khristo shivetsukeu shou akumou shie.

Kolosiami 1:13

Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.