Luke 3:16 - BAIBEL (BSI)

¹⁶ Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

Sümi Tiqhelimi Bible

¹⁶ John no panongu kümtsü khochile, “I no azü lono nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqho kütsügha kighimu kuqho nike aküzüpu kumoe. Pa no Aghungu Kimthe eno ami pesü nongu baptiz shitsü nani.

Sumi Naga CL (Re-edited) Bible (BSI)

¹⁶ John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

Luke 3:16 ပူးပေါင်းရင်းမြစ်များ

AHOLE 1:23

Kughou ino nongu pelo shikithelupe niye sakiyini keno niye akukutsu kivi nongu tsu nani eno ikighithi nongu sasu kusaje nani.

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 4:4

Pa kuka kumto launo AMPEU no tipa shiayeh shou kughatha eno thakimtheni eno Jerusalem no kuqukeu ngo tilehi ajih kichijivekeu qhuvetsu nani.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MATTHEW 3:11

Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

MATTHEW 3:12

Pa ulo athi fuleve kepu phigha peani, eno pano pa niqa shikimthe puzu pa thi pekutsusawo alelo su nani, ikemu amu-uye ghapinhemla keu mi lono piti nani!”

John 1:26

Johan no panoqo khochile, “Ino azu pesu baptiz shitsu cheni, ikemu nongu gholo milakhi puthugho akeu mthano anie,

John 1:27

Paye ithiuno ighi, ikemu niye pa pukhu-kuqho mu kuqhotsu kuzupu kumoe.”

John 1:33

Niye pa mthano ake, ikemu ivilo azu pesu baptiz shitsupe nike Alhou no ivilo ishipi, ‘Aghungu Kimthe no khuu shou iqighi puzu ngokeu nono ithulu nikeno tipauno Aghungu Kimthe pesu baptiz shitsu nikeu ke.’

John 7:38

Kuchoyesulo pipuakeu toi, ‘Khunono ipulu nikeno pa mlo lono akuxupu zu qoipeghi nani.’ ”

Apostolmi 1:5

Johan no azu pesu baptiz shitsue, ikemu atsala kutomo womono Aghungu Kimthe pesu nongu baptiz shivetsu nani.”

Apostolmi 10:44

Pitor no hi piaphi lono, atsa iniakemi kumtsu shou Aghungu Kimthe ikughive.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.