Luke 24:44 - BAIBEL (BSI)

⁴⁴ Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

Sümi Tiqhelimi Bible

⁴⁴ Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Sumi Naga CL (Re-edited) Bible (BSI)

⁴⁴ Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

Luke 24:44 ပူးပေါင်းရင်းမြစ်များ

BOTHUBO 14:18

Melkhizedek ye Salem lo akukau shi ache eno Ighono Akiqheu Lhou wu achineu ghi shi ache, eno pano Abram lau asho ngo atsaiji peighi.

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

LESHELE 118:22

Akikishimino atu khipau kileve keno tipau no kumtsu nguno alau atsukupu-u shive.

ISAIAH 28:16

Tighenguno AMPEU Alhou no ishi piani: “Zion lo tsatsayi keu eno akumto boqha lakhi ino qhi ani. Tipaulo akicheku tuqu lakhi ino qhi ani eno tipau shou atsa ishi yepuku puani, ‘Mutotoikeu kupuluye lhelheimo nani.’

ISAIAH 52:13

“Iqeuye pa kumlapulo shiwotolu nani; akiqheu lono pa gihu kepu shinani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 33:14

AMPEU no pi, “Ino Israil ngo Juda lo akemiqo lau tushokiqhi shipuakeu shikuputsu nikeu ghuloki cheni.

EZEKEL 17:22

Akughushu MPEU no kiu pikeno tiye hike; “Ino Kedar subo qhemghai keu kumtsu ikhilu nani eno tipaulo akhuni suchhe suwu nani. Ino naghuto kuchuqulo tipau shosu nani, tiye Israil naghuto kuchuqulo ke.

EZEKEL 34:23

Panoqo shou akheu lakhi shipe nike ino iqeu David toikemi akukau lakhi panoqo tsu nani eno panoqo tuchohiju nani.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:13

Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

AMUS 9:11

AMPEU no pi, “Ino David kukaqha tsuchile nikeu tsala cheni, tiye aki ilaqiveno ixapinyive keu toike. Ino tipau kuptu pukhove nani eno tipau sachileluni. Ino tipau shikithe nani eno tipau pesu kha-ghi wovekeulo akeu toivetsu nani.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

ZEKHARIA 14:4

Tipa tsalalo pano Jerusalem kipela kudau Oliv Toghilo puthugho nani. Tileno Oliv Toghiye kipelauno kulolau kutolo akhila kije lakhino supho kini shivetsu nani. Atoghi tuxaye ahuu iqeuve nani eno tuxaye apeu iqeuve nani.

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

AKIKIHI 21:8

Tileno AMPEU no Muse vilo ayino shikeu pighi lakhi shipesu aqhaqhi lakhilo bepe qhilo pi tishianguno khuu khumu apighino mighi puaghikeu pelo tipau julu no viluve peniyeke.

AKIKIHI 35:25

Aqoahoye akithiu sholokumi launo timi heqhiveno kuquvekemi xapheluve masake eno panonguye timi tipau sachile sasu itshukulupu phughi khilehi pano powuvekeno tilau kighide puwuve masake. Timi tipauye tipa ghulokilo tilau Achinetou shi aghikeuno thivemoke kutolo tilau xu ache masake.

MATTHEW 1:22

Hikumtsu shilukeu huye Ampeu no pawu tungkupu vechewo kiu pipua keno shikupu niyeke.

MATTHEW 16:21

Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

MATTHEW 26:54

Tishiaye, kuchoyesulo hikithipushi shimasakepi pipuakeu huye kishi puzu shikupuluni kya?”

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

Mark 9:31

Pano pa khopemi vilo ishi pie, “Ni Timi Nu ye kughasawo timiqo ulo suvetsu nani, eno timiqono pa pithive nani; tishinamu atsala kuthu thiu paye xuthughive nani.”

Luke 21:22

Kughengu hiye amukhukulu tsala, kucho yesulo pi puakeu kumtsu kupuni kehu ke.

Luke 22:37

Kughengu ino nongu vilo hi pini: Kucho yesulo, ‘Paye lhokusa kughami gholo kihisuve’ ipi puakeu hu ilauno shikupuve masavae. Kughengu khikhi ighenguno yehpe qhikeno ighini putsae.”

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

Luke 9:22

pi, “Timi Nu ye shishe ime masae; muchomiqo, achinetomi eno Ayezah kukutsumiqo pelo pa levepe, pithivepe masae ikemu akuthunino xuputhuve nani.”

Luke 9:44

“Atsa hipaqo pheqhi kevilo, hipaqoye nongu ghenguno ke: Timi Nu ye ikhi phepe timi ulo suvetsuni cheni.”

John 3:14

Kiutoi Muse no timi kughunamoke alo ayino shikeu pighi ikhiqhepe piye keno tihutoi Timi Nu ikhiqhepe piye masae,

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

John 5:46

Nonguno Muse pulu keaye nonguye ipulu nicheke, kughengu pano ighili yehke.

Apostolmi 13:40

Tighenguno kutokupuilo, khilehi tungukupmino kiu pipuani keno ti nongu shou ikughi nosake:

Apostolmi 2:27

Kughengu noye ighungu pe kithighalo kughucho qhivemo nani; Momu oqeu Akimtheu pelo tsu-mavekeu ghime sholupemo nani.

Apostolmi 3:18

Alhou no paw tungkupmi kumtsu pelo azunathaghi pipuakeuno pawu Khristo ye aghime sholu nikeu shiakeu hu Alhou no ti shikupuvetsuae.

Apostolmi 7:37

Israilmi vilo ishi pikeu hu Muse noke, ‘Alhou no nongu ghenguno tungkupu lakhi pano isaputhu kehutoi nongu gholo ipeghipe nani.’

IBRIMI 10:1

Judami yezah ye mutsuqheyi no thime kuchou akeqo sasu aphiphi kumoe. Hiye thime kivi ighiniye kuto akeu julhoke. Ampe atsutsu ishwokibe aphiphishi lhoxu heqhipe mllache keuye Alhou lau kupunu ighikemiqo pesu khilemu viwotolu keu shipemlae.

IBRIMI 3:5

Ike Muse ye aqemi lakhi kehu Alhou kilo pukhubekulu shike, eno Alhou no ighinikeulo kiu piniye akeno tipau shepe shitsuke;

IBRIMI 7:1

Melkhizedek hipauye Salem phughilo akukauke eno Alhou wu Akiqheu Achineuke. Abraham no aghulau puzu kukami ghiqhiveno wochekelo Melkhizedek no pa sasu kusho eno pa kumghatsu,

IBRIMI 9:8

Hitoi kutopuakeulo Aghungu Kimthe no ningu vilo piyetsukeuye khalau phikibo akethaqhuloye Akimthe nguno Akimthe alo ilolunikeu shimla aphie.

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.