Luke 22:61 - BAIBEL (BSI)

⁶¹ Jisu no homxa ideghi eno vejoi Pitor ju, tile Pitor ye Ampeu tsa kumsuchileluve, khikhi pano pi puakeu, “Awuduno ishi ighamphi zulo nono imthae pi ghuthu kuthu pi nani.”

Sümi Tiqhelimi Bible

⁶¹ Ampeu no athiu jupuwo püzü vejoi Peter ju. Tile Peter ye Ampeu no pa vilo ishi pipüa keu tsa kümsüchilelu: “No ye ishí awudu no igha mphi züu ghuthu küthü I milive nani.”

Sumi Naga CL (Re-edited) Bible (BSI)

⁶¹ Eno Ampeu no tsüghüwo Peter ju kelo, pa no Ampeu kipitsa kishi pa vilo pipüa keno kümsüchilelu, “Awudu no itiji ighamphi lono no ye ghuthu küthü I milive nani.”

Luke 22:61 ပူးပေါင်းရင်းမြစ်များ

JOB 33:27

Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

MATTHEW 26:34

Jisu no pa vilo pi, “Kuchouno ino pini, itiji awuduno ighamphilo, noye imthakepi ghuthu kuthu kutolo pi nani.”

MATTHEW 26:75

eno Pitor no Jisu no pa vilo ishi pikeu hu kumsuchilelu; “Awuduno ighamphilo noye imthakepi ghuthu kuthu pi nanike.”

Mark 5:30

Jisu ye akuka pa launo ipeve keu ithive puzu timi aqokitikhi lau igho-ighino pi, “Khuno ino uchekeu phi bu kya?”

Luke 10:41

Ampeu no khochile pi, “Martha! Thime kutomo kehu noye mighimghai eno kutakihi ani.

Luke 22:34

“Pitor ino ovilo pini, tipa tsalalo awuduno ighamoke kutolo noye ghuthu kuthu kutolo ni mthakepi nanie” ipi Jisu no pa khochileve.

Luke 22:60

Ikemu Pitor no khochile pi, “Timi ghi lae,nono kiu piqhi ani keno niye tsamu ithi amoe!” Tipa mtsa, pano atsapi aphi lono awudu ighauve.

Luke 22:62

Pitor no khalau ipeve eno shisheno qah auve.

Luke 7:13

Ampeu no li ithulu kelo li kimiyeqhiyi keuno pa mlo chhitoiveno li vilo pi, “Qa kevilo.”

Luke 7:19

Ampeu iniju penike pama puwu, “Ti ighiniepi chekeuhu, no kema? Ikeo ninguye kutami khe aghini kya?”

John 13:38

Jisu no khochile, “Noye kuchouno ighenguno okuxu pephetsuluni kesha? Kuchouno ino ovilo pini, awuduno ighanike zulo ghuthu kuthu kutolo noye imthae pinani.”

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Ephesiami 2:11

Tighenguno nongu aji lono Judakumomi shiaghikeqo, aphimpilo achineyeh michi shipuake ghenguno, Judami aphighuyiko ghathakemino nongu pesu “aphighuyiko ghamokemi” ipi kuchekeqo, nonguye puzuuye kiutoi achekeno kumsululo.

Piyeküsü 2:5

Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.