Luke 22:17 - BAIBEL (BSI)

¹⁷ Tishino Jisu no ajukhu ikhiluno shikimithi Alhou tsuno pi: “Hi ikhilulo eno nongu kumtsu kumtsa showolo.

Sümi Tiqhelimi Bible

¹⁷ Tisheno Jisü no ajikhu ikhilu no shikimthi tsü ghi pi: “Hi ikhilu no nongu dolo kijélu lo.

Sumi Naga CL (Re-edited) Bible (BSI)

¹⁷ Tishino pa no ajukhu ikhilu, eno shikimthi tsüno pa no pi, “Hi ikhilu lo, eno nongu dolo kijelu lo.

Luke 22:17 ပူးပေါင်းရင်းမြစ်များ

LESHELE 116:13

Ixalukeu ghenguno atsayi-ji kumlla gho lakhi pesu AMPEU shikimthini,

LESHELE 23:5

Nono ighumi nhethe lono aghulhu lakhi izulo qhitsue; Nono teli pesu ikutsu nutsu eno ijukhu yele lesutsue.

JEREMIYA 16:7

Khuumu timi lakhino pa bolomi thive akelo akithiu bolomi lokughuno tsunike tipau sasu kuchu kusho shimo nanike. Khualano apuh momu aza thive aghi namu khunomu amlo saqhiyikeu piyemo nani.”

MATTHEW 14:19

Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu.

MATTHEW 15:36

Pano ashopa tsuni eno akha ngo ishi ikhipesu Alhou shikimthi puzu tipaqo suphono pesu pa khopemiqo tsu eno akhopemino tipaqo pesu timiqo jetsu.

MATTHEW 26:26

Panonguno kuchukusho shi akelo, Jisu no asho ikhilu eno shikimthi kighini shi puzu ti supho pesu pa khopemi tsu eno ishipi, “Hi ikhipe chulo, hiye iphimpi ke.”

Mark 14:22

Panonguno chuakelo, Jisu no asho ikhilu eno shikimithikeu kighini inikhu, tipau supho, eno tipau pa khopemiqo tsu, eno ishi pi, “Hi ikhilulo, hiye iphimpike.”

Luke 22:19

Tishieno, pano asho ikhiluno shikimthi Alhou tsu puzu hi suphope panongu tsuno pi, “Hiye iphimpike khikhi nongu ghenguno tsuvekeno.Ikumsuchilelunike hi shilo.”

Luke 9:16

Jisu no asho pungu akha kini ikhiluno kunguu atsutsulo jupukughi tipaqo ghenguno Alhou vilo kumghakeu khuini eno tipaqo suphono tipaqo kijetsupe nike akhopemiqo tsu.

Rommi 14:6

Khuuno atsala hamiye akhoto kepi tipa tsala ikhilu cheni keno Ampeu gihu ghi ti ikhilu ani. Thwokha chu chekeu timi ghi Ampeu gihu-ghi chu cheni, kughengu pano shikimthikeu Alhou lau tsue. Khuuno thwokha kumtsu chu chemo keno pa ghi Ampeu gihu ghi chu chemo, eno shikimthikeu Alhou lau tsue.

1 Kor. 10:16

Kumghakeu jukhu khikhi ninguno kumghakeu khukeno, Jisu Khristo ji gholo kuposhu anike kumokesha? Asho khikhi ninguno supho ani keno, Khristo phimpi gholo kuposhu anike kumo kesha?

1 Kor. 11:23

Kughengu Ampeu launo ino pekishelukeu kukutsu nongu lau pekishe pesu tsuvekeuno, Ampeu kughapesu atheshivenike ji Ampeu Jisu no asho ikhilu,

ZAKINIU 8:10

Nonguno chunishi ke thaqu ithulu nani eno AMPEU nongu Lhou no aghuma yeghi nongu tsuke ghenguno pa shikimithi nanike.

SAMUEL ATUGHIU 9:13

Nokujono taun lo iloghi kelo pa ithulu nani, pano atoghi tipaulo ighi mphiloye pa kusu puakemiye chuqukusho shimo nanike eno pano ti aghakishi hu kumgha inibetsu paghini aphie; tithiuno khuno kusu puanikeno panoqono chulu nani. Tighenguno mtazu wu aye pano ti atoghilo wumphi lono nokujono pa sasu kusholu nani.”