Luke 21:25 - BAIBEL (BSI)

²⁵ “Tileno tsukinhelo, aqhilo eno ayepulo amchipu ipeghi nani, ayeghilo ashiayehqoye azughi ghugha eno azufukukuchono kutakihikeu lono pitipuzaqhi nani.

Sümi Tiqhelimi Bible

²⁵ “Tilehi khetsünhe, aqhi eno ayepuqo lo amichipu anani. Ayeghi lo shiyeqo ye azüghi ghügha ngò azü fukucho keu no kütakihi eno pitipüzaqhi nani.

Sumi Naga CL (Re-edited) Bible (BSI)

²⁵ “Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

Luke 21:25 ပူးပေါင်းရင်းမြစ်များ

LESHELE 46:3

azughino tukide igha eno tipau lono naghuto sukinile pinamu ninguye musamoe.

ISAIAH 13:10

Ayepu ngo ayesu jeli qono yevuqai tsumove nani, tsukinheno ipeghi puzu zumoive nani eno aqhino akuvu tsumove nani.

ISAIAH 17:12

Akuka kumto shiayehqoye azughi ghugha toikeu sutsa lono eno azu fukukucho kuloghino kugha akeshi muqhumza itha ani.

ISAIAH 24:23

Aqhino zumoyi kitheve nani, tsukinheno yepuvu tsumove nani, kughengu Aqokitikhi MPEU no Akukau shive nani. Pano Jerusalem lo Zion toghi lono ayehpe nani eno ayeghilo timiqo sakiphemino pa kimthe jukuvu ithulu nani.

ISAIAH 5:30

Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.

ISAIAH 51:15

“Niye nongu Lhou AMPEU ke; Ino azughi xuputhoke eno tipau zufukukuchono igha cheni. Ijeye Aqokitikhi MPEU ke!

JEREMIYA 4:23

Ino ayeghi jukelo tiye ayeghi kithi pesu shipuhakhave, atsutsu jukelo tiye akuvu kuha.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

MICAH 7:4

Panoqo gholo akiviu eno achipi kuchou ipikemino alupi toi ame kuhamitheke. Alhou no timiqo ghime nikeu tsala ighivae, tiye pano tungkupumi vechewo panoqo kutughuvekeu toike. Itehiye timiqoye avehu izuvulaivae.

MATTHEW 24:29

“Atsala tipaqolo aghime kitikhi shive kemtsa tsukinheno zumoyive nani, aqhino vuqayi move nani, ayepuqono atsutsu lono ikiqive nani eno atsutsulo akuka jeli akeqo sukiniqhi nani.

MATTHEW 27:45

Puchou mtalo zumayikeuno ayeghiqha kumtsu nhaluve eno ayikihedo kuthu kutolo tishi ae.

Mark 13:24

Tipaqo tsalalo, ti akijuksa thiu, tsukinheno zumoyive nani, aqhino akuvu yemove nani,

Mark 13:26

Tileno Timi Nuno khungkusu lono akuka kije eno ajukuvu lono chekeu timiqono ithulu nani.

Mark 15:33

Puchou ayi chighi kini kihelo aghakhuqha kumtsulo zumoive, tiye ayikihedo kuthu kutolo tishi ae.

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

Luke 21:26

Timiye ayeghiqha shou kiu cheni kela msaqhi kheakelo anguh yewuve nani, kughengu kungulo akuka jeli panongu-a lono kusulepe tukiqeve nani.

Apostolmi 2:19

Kunguu atsutsulo ino akichiqhipu shipiyeni, eno aqhou ayeghilo amchipu shipiyeni. Ahji ngo ami eno amchhi phoboyi nani;

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.