Luke 2:10 - BAIBEL (BSI)

¹⁰ Ikemu kungumino panongu vilo pi: “Musa kevilo! Ino nongu lau asutsa kivi lakhi pe cheni, tiye alokivi kije timi kumtsu lau ighiniye akeu ke;

Sümi Tiqhelimi Bible

¹⁰ Ikemu kungumi hu no panongu vilo pi: “Msà kevilo. I no timi kümtsü lau alokivi süghi niye shi akeu sütsa kivi pesü nongu lau süghi anie.

Sumi Naga CL (Re-edited) Bible (BSI)

¹⁰ Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani.

Luke 2:10 ပူးပေါင်းရင်းမြစ်များ

BOTHUBO 12:3

Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

ISAIAH 40:9

O Jerusalem, naghuto kiqhelo ikulo eno lokivi sutsa pesu asheshulo! O Zion, asutsa kuloghi lono igha mukulo; atsakiviu pesu asheshulo! Piwolo eno musaichi kevilo. Juda lo taunqo vilo panongu Lhou chenike julo pilo!

ISAIAH 41:27

Ni, AMPEU no atughushi Zion vilo hipa sutsa kithe pike; Ino Jerusalem lo aqemi lakhi puwuno ishi pipeke, ‘Nowu timiqo cheni! Panonguye akilo cheni!’

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

ISAIAH 52:7

Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

DANIEL 10:19

Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MATTHEW 14:27

Ikelo tipa mtsa Jisu no panoqo putsa no ishipi, “Nongu mlo itha kevilo| Nike, msa kevilo!”

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

MATTHEW 28:5

Tile kungumi huno totimiqo vilo pi, “Nonguye musakepu kuhae. Nonguye kros lo yedavekeu Jisu juniye chenikepi ino ithi ani.

Mark 1:15

Pano ishi pie, “Ado achipiu hu ighivae eno Alhou yehkipe ye kupunuvae! Nongu xine launo xatsughu ighilo eno alokivipu sutsa pululo!”

Mark 16:15

Pano panoqo vilo pi, “Ayeghiqha kumtsulo wulo eno lokivipu sutsa pesu timi lhoxu kumtsu vilo asheshulo.

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

Luke 1:19

Kungumino khochile pi: “Niye Gabril, niye Alhou phivilo puthugho acheni, oputsa penike eno hi atsakiviu olau peighi penike ipuwue.

Luke 1:30

Ike kungumino li vilo pi: “Musakevilo, Maria, kughengu Alhou no oqhuivukeu ani.

Luke 2:11

kughengu David phughilo itijino nongu lau xakuluu lakhi punu ani, tiye Khristo Ampeu!

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Luke 8:1

Tipa thiu Jisu no Alhou yehkipe sutsakiviu vekupha ghi aphughiqolo eno aphuqolo wue. Akhopemi chighikini ghi pa sasu che,

Apostolmi 13:32

Ninguno asutsa kiviu nongu lau peighi akeuno, Alhou no kiu shitsunipi apu-asuqo lau piqhipe puakeno, tipau panoqo tianuli lau shikuputsu ani, ti Jisu xaputhuvekeu lono, hiye Leshele akiniu lo ghi yehpe puakeu toi. ‘Noye inu, Ishino ino opuh shiluvae.’

Rommi 10:15

Asutsa kipemi puwumoke, kishi asutsa pikulhaluni kya? Kuchoyesulo pipuake toi, “Atsakiviu pikulhakemi ighikeuye kiutoi jukivi kela!”

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.