Luke 19:9 - BAIBEL (BSI)

⁹ Jisu no pa vilo pi, “Ishino xakulu akibo hipaulo ighivae; pa ghi Abraham nu lakhia kehu.

Sümi Tiqhelimi Bible

⁹ Jisü no pa vilo pi, “Ishí no xakulu akibo hipau lo ighivae, kughengu timi hipau ghí Abraham nu lakhi ke.

Sumi Naga CL (Re-edited) Bible (BSI)

⁹ Jisü no pa vilo pi, “Ishi no xakulupu akibo hipau lo ighivae, kughengu pa ghi Abraham laghami ke.

Luke 19:9 ပူးပေါင်းရင်းမြစ်များ

Luke 13:16

Itehi hile Abraham tikughukomi lakhi khuu Satan no ampe chighi tache tshupe puaghike apineni tsala lo li tshupe puakeu lono kuqhophevemo nani kesha?”

Luke 13:30

Tithiuye itehi khunoqo athiu ani keno atughu shive nani eno itehi khunoqono atughu shiani keno athiu shive nani.”

Luke 16:24

Tile pano ighamuku, ‘Apu, Abraham! Ikimiye tsulo eno Lazar pelo pa-uloti azulo chosuno imili dikumko tsupelo, kughengu niye ami hipaulo shishe ime ani.’

Luke 16:30

Kinimi huno pi, ‘Tiye luzulae, apu Abraham, ikemu khualano akithi lono ithughino panongu lau wu aye, tileno panonguno pano xine lono xaidelu nani.’

Luke 2:30

Kughengu inhethino ow xakulu ithuluvea;

Luke 3:8

Nonguye xukithe luvae pikeu kumla pephepiyelo. Eno nongu likhi nongu dolono, Abraham ye nisu ke ipi piakevilo. Kughengu ino nongu vilo pini, Alhou ye atu hipaqo pesu Abraham lagha shivetsu kulupu anie!

Rommi 4:16

Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

Galatiami 3:14

Khristo no hitoi aghime shikeuye Alhou no Abraham lau kumghatsukeu hu Judakumomi ghi Jisu Khristo gholo kimepe akeu ithulu eno akupulu vechewo ningu pelo Aghungu Kimthe ikhilupeniyeke.

Galatiami 3:29

Tsala nonguno Khristo laumi aye nonguye Abraham polo kughukomiqo ke, eno Alhou no piqhi puakeu mheghi ithulu nani.

Galatiami 3:7

Nongu ghi tihutoike. Nonguno ithikepushi akeuno akupulu akemiqono Abraham polo kughukomi kuchouke.

1 Peter 2:10

Ghuthu lakhilo nonguye Alhou timi kumoe; ikemu itehiye pawu timi shivae; ghuthu lakhilo nonguye, Alhou no kimiyeqhiyi keu ithumlano cheke ikemu itehi nonguye pano kimiyeqhiyi keu ithuluvae.