Luke 19:8 - BAIBEL (BSI)

⁸ Ike Zakhai no puthughono Ampeu vilo pi, “Iniju tsulo, Ampeu! Ino pighiakeu tuxa pesu kumlhomi tsuni, ino khuala pishi puaghi aye, tipa theli ghuthu bidi tsukideveni.”

Sümi Tiqhelimi Bible

⁸ Ikemu Zacchaeus no puthugho no Ampeu vilo pi, “Julo, Ampeu! Ni ye I küakini tüxa pesü athokhami tsüveni, eno I no kiu-kiu lomu khuala pishiqhi püaghi aye tipau theli lo ghuthu bidí no küghüsü püzü tsüchile veni.”

Sumi Naga CL (Re-edited) Bible (BSI)

⁸ Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

Luke 19:8 ပူးပေါင်းရင်းမြစ်များ

SAMUEL AKINIU 12:6

Hitoikeu xesu xeni kumla shikeuye paye ghuthu bidino pano lukeu nguno alau lochileve masae.”

LESHELE 41:1

Khunono kumlhomi jukuto kugho cheni keno tipano lokivipue; kughou pano shilusani keno AMPEU no pa xaphelu nani.

IPEKULU 20:16

“Noye akimki lono kutami nguku kevilo.

AHOLE 6:31

ikemu pa kughaluve aye paye ghuthu tsuni kighishe pesu lochile masave cheni, pano aghikeu thwokha kumtsu tsuvekepu shicheni.

EZEKEL 33:15

pano punakeu thelilo tinhemgha qhipuakeu tsuchileve, momu pano pukalukeu tsuchileve, pano axine shimoveno akuxu tsuchekeu yezah papelu aye paye thimo nani ikemu xulu nani.

AKIKIHI 5:7

paye pa xine pipheveno akuchopu lochileve masa, tipau shou aqhe sajelo muku sukuphano timi khuu shou pano pimive keno tipau love masa.

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

Luke 12:33

Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

Luke 16:9

“Ikehu ino nongu vilo pini, ayeghilo kinikulu ithulukeu pesu nongu sala shompami shi, tishianguno kughouno ti kuhaveni keno, lhokta-kungoa lo nongu sasulu nani kesha?

Luke 19:7

Ti ithulukemi kumtsuno nhenheshi pi, “Timi hipauye axinemi lakhi kilo ngoniye wuvae.”

Luke 7:13

Ampeu no li ithulu kelo li kimiyeqhiyi keuno pa mlo chhitoiveno li vilo pi, “Qa kevilo.”

Luke 7:19

Ampeu iniju penike pama puwu, “Ti ighiniepi chekeuhu, no kema? Ikeo ninguye kutami khe aghini kya?”

SAMUEL ATUGHIU 12:3

Ino hile aphi lono tsalatsa ino kiwala kuqupimi puaghi aye itehino AMPEU eno pano kishephetsu keu akukau zulono ingukulu velo. Ino khuwala wu amshi momu gadaha lupuaghi aye, ino pishi piyi puaghi aye momu khuala qodaneda keu shipuaghi aye, ino khuala lau kulugho lupuaghi aye, ino thime hipaqo mlapuaghi aye, tipau thelilo lochileveni.”