Luke 18:43 - BAIBEL (BSI)

⁴³ Paikhavi lono paye ithuluve eno Alhou shikimthi ghi Jisu pape wuve. Eno timi kumtsuno ti ithuluno Alhou akishe tsue.

Sümi Tiqhelimi Bible

⁴³ Ikelo paikhavi pa ye ithulu kitheluve no Alhou sheqhe ghi Jisü pape wuve. Kughou timi kümtsü no ti ithulu keno panongu ghí Alhou akishé tsüe.

Sumi Naga CL (Re-edited) Bible (BSI)

⁴³ Paikhavi timi huno ithulu kitheve, eno pa no Alhou sheqhe ghi pa pape wuve. Kughou timiqo no ti ithulu keno, kümtsü no Alhou sheqhe shikimthi tsüe.

Luke 18:43 ပူးပေါင်းရင်းမြစ်များ

LESHELE 107:15

AMPEU no panongu ghenguno akumzapu kumla shitsukeu eno pa kikimiye ghenguno pa shikimthi kepu.

LESHELE 107:8

AMPEU no panongu ghenguno akumzapu kumla shitsukeu eno pa kikimiye ghenguno pa shikimthi kepu.

LESHELE 146:8

anhethi kighichemi ithukulupu tsucheni. Khunoqo veqhiveno ani keno pano xaqhe; pawu amikuchomi kimiye cheni.

LESHELE 30:2

O AMPEU iLhou, ino ovilo ikuphu lopi ighamuku kelo nono ishipivi tsu;

ISAIAH 35:5

Anhethi kighichemino ithikulupu shi nani, eno akini kughupomino chilu nani!

ISAIAH 42:16

‘Ino iwu timi anhethi kighichemiqo sasu panonguno khilemu pulachemo keu laghi lono sawu nani. Ino panoqo wu akuzu pesu akuvu kughulhove tsuni eno panoqo zulo kolokoshi keu yeghi pesu kulaqave tsuni. Ino hipaqo vehu shini cheni, eno niye tipaqo shini putsake.

ISAIAH 43:21

Isala ghenguno panonguye ino lhophe puakeqo timike, panonguno isheqhe shipili nani!’

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

MATTHEW 21:14

Anhethi kighichemi eno aphi a-u kinitavekemi achinekilo pa lau ighi, eno pano panoqo shipivitsu.

MATTHEW 9:8

Timiqono ti ithulu kelo panonguye msave eno Alhou no hitoi keu kuka timi tsukeu ghenguno Alhou sheqhetsue.

Luke 13:17

Pano hi khochilekeu huno pa ghumi kumtsu pano likhi pano zukujo auvepe, eno timi kumtsu pano akumzapu khije shi keno tipaulo alokivi shie.

Luke 19:37

Kughou pano Jerusalem kupunuve keno, Oliv tolo ala khileno aqhou iqivekeu akeno, tileno pa papechekemi aqokitikhino ti kumzapu thime kumtsu panonguno ithulukeu ghenguno Alhou shikimthi eno asutsa kuloghi lono Alhou sheqhe.

Luke 4:39

Pano ighi eno li phivilo puthugho puzu aghakimki lomi pi eno tino li qhive. Paikhavi lono liye ithughi luve eno panongu lamlue.

Luke 5:26

Panongu kumtsu qheghuive! Akumsano chhive eno panongu no Alhou sheqhe ghi pi, “Ninguye ishi akichiqhi kepu ithulu vae!”

Luke 9:43

Panongu kumtsuno Alhou kuka kumto jupe akumzave. Jisu no kiu mlakeno tipaulo timiqono akumzaqhiyi aphi lono, pano pa khopemi vilo pi.

Apostolmi 11:18

Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Apostolmi 4:21

Panonguno agho shi pama shikichi puzu pama phepuwuve. Panonguno aghime pama tsukepu akiqi phumlave, timiqo ghenguno, kughengu ti akumzapu kumla shikeu ithulu puzu timi kumtsuno Alhou sheqhe ae.

Galatiami 1:24

Ike ino tishilukeu ghenguno panonguno Alhou she ani.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.