Luke 16:15 - BAIBEL (BSI)

¹⁵ Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Sümi Tiqhelimi Bible

¹⁵ Jisü no panongu vilo pi, “Nongu no timi zülo nongu likhi nongu ye achipi kepi pìye acheni, ikemu Alhou no nongu mloqo kümtsü ithi ani. Timi no kiu ameküapu kijè ipi cheni keno Alhou zülo ye kiumu amekühae.

Sumi Naga CL (Re-edited) Bible (BSI)

¹⁵ Jisü no panongu vilo pi, “Timi zülo achipiue pi pükha chekeqo ye nongu kene, ikemu Alhou no nongu mlo ithi ani. Kughengu timi müzülo kiu no ajuaje ipi cheni keno Alhou nhethe loye aphikümqhüpue.

Luke 16:15 ပူးပေါင်းရင်းမြစ်များ

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

YEKIKITHI AKINIU 6:30

panongu kukhu kighini chilutsulo, oki kunguuno panongu tsa initsulo eno akipimi qhitsulo. Olikhino timi jeli kumtsu kukumsu ithi kicheuke. Timi lakhi lau shikuzupu lono peitha tsulo.

LESHELE 10:3

Kixikilamino pa mlo lhoksa pesu qheza-laki cheni, ala kiminemino AMPEU ghusho eno AMPEU milive cheni.

LESHELE 49:13

Khunoqono pano likhi pano pukhu cheni keno tipaqoye kiu shive cheni keno julo, panowu kuakini shou amlo kiqishi acheni keno tipano kuxu shekha julo.

LESHELE 49:18

Pano xuakelo paye alokivi shi acheni kepu kihi aghi namu, pano shilu ani kepi akishe pa tsu aghinamu,

LESHELE 7:9

Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.

AHOLE 16:5

Qhezalaki ghi xuchekemi kumtsu AMPEU no mithi acheni; paye panoqo pelo aghime shipenikeu lono povepemo nani.

AHOLE 20:6

Kumtsuno pututa muzulo paye aghokulu eno pukhukulu kepi piaghi luvi ikemu khuuno kuchouno tipau keno phujulo.

AHOLE 21:2

Nono shichekeuye thwokha achipiu kepi kumsu aghiluvi. Ikemu AMPEU no omlo peqheju cheni kepi kumsuchilelulo.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

MALAKI 3:15

Nino ithulukeuye aqhekuzamino alokivishi ani. Alhoksamiye kinikulu shiluke likhi kumono panonguno panoqo kumla lhoksa shikeu pesu Alhouw kheakulu ghuju cheni tishi keghi kiumu shimono aluve cheni.’ ”

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

Luke 10:29

Ikemu Ayezah kukutsumi huno pa likhi paye achipie pinishive kehu pano Jisu vilo iniju, “Khuuno ikisughumi kya?”

Luke 11:39

Ampeu no pa vilo pi, “Pinikeu loye nongu Farisimino ajukhu ngo akhu ashou likhi mithe cheni, ikemu nongu lo alou ye angukano xukeu xesuxenino chhitoi anie.

Luke 18:11

Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Luke 18:14

Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

Luke 18:21

Timi huno khochile pi, “Ino apumi shiaphi lono hipaqo zahkutsu kumtsu pelu ighivae.”

Luke 18:9

Itaghi Jisu no pikeu holetsa lakhi hi ani. Hiye timi khunoqono pano mlolo panoye mzuchoi xuchekemi pi kumsu puzu kutami thaigha cheni keno tipaqo lau pike.

Luke 20:20

Ikehu panonguno timi khami tuqhouno agho chheve puzu timi tipaqoye achipishi xuchekemi toi amuqushi ghi Jisu lau wupe eno Jisu no kiu pikeno tipauno kughapesu pa melu anguno panonguno pa kughape tipa yeghilo ayehkipemi tsuve nikeu shike.

Luke 20:47

Panonguno topu chimemi shive aghikemi jupuzu tipaqo ki-ale ghesuqhi cheni, ipuzu timi piyeni aye ado kushuwa aqo gholo inikhu cheni. Kutami nguno panonguno aghime akusau ithulu nani!”

John 2:25

Khunomu timi vehu pesu pa vilo piakepu avehupu kuhae, kughengu timi lolo kiu anikeno pano akivishi ithiae.

John 21:17

Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

Apostolmi 1:18

(Judas ye pawu kusakugha lono ithulukeu jume pesu alu lakhi qhue, eno tsulukubashi veqhieno pa po vepho eno pawu kighinoli kumtsu veleveke.

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Apostolmi 15:8

Timi mulo ithi achekeu Lhou no ningu tsuketho lono Judakumomi lau amlo kiqi piye ghi Aghungu Kimthe panongu tsue.

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Rommi 8:27

Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

1 Peter 3:4

Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”