Luke 15:7 - BAIBEL (BSI)

⁷ Titoi, ino nongu vilo piani, kungughalo amikuchomi lhotoku toku khunoqo xukikithe avehupu shimokemi shou alokivi akeu nguno alauno axinemi lakhi xukithe ighilukeulo alokivi alau anie.”

Sümi Tiqhelimi Bible

⁷ I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

Sumi Naga CL (Re-edited) Bible (BSI)

⁷ Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 15:7 ပူးပေါင်းရင်းမြစ်များ

AHOLE 30:12

Timi khamiye pano xineno kuchhube kutsula shi apulaghi mithemighei ani kepi kumsu cheni.

MATTHEW 18:13

Pano ti phulu aye, kuchouno ino nongu vilo pini, paye bheri lhotoku toku puhamono akeqo nguno alau hi bheri lakhi shou alokivi shikeu ananie.

MATTHEW 3:8

Nonguno axine lono Alhou lau xaideghi keu qhemi mlape piyelo

Luke 15:10

Ino nongu vilo pini: Titoi Alhou wu kungumi lokivi ghi axinemi lakhi xukithelu keu shou anie.”

Luke 15:29

Pano papuh khochile, ‘Julepi aqemi lakhi toi niye ampe hijejehi mla ighivea eno ghuthu lakhimu nono ahza tsukeu hebide mphi. Iwu shompami sasu kuchukusho shikepu noye ane lakhimu khileno itsu akya?

Luke 15:32

Ikemu ninguye aghulhu lakhi shino alokivi shikepu shive, kughengu othikuzuuye thive ikemu paye xuaghie, paye puhave, ikemu itehiye pa phuluvae.’ ”

Luke 15:6

akilo idewono paw shompami ngo aki sughumi ku kutsu cheni. Pano panongu vilo picheni. ‘Igholo alovi kuqhalo, kughengu iwu bheri puhavekehu phuluvae’

Luke 15:8

“Momu kumsujukelo topumi lakhino ghuka chighi akelo lakhi puhave kelo liye kiu shinia? Lino akulu kuqu puzu phulumoke kuto aki khughi chekucheghu kumtsu ju cheni.

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Luke 5:32

Niye amikuchomi kuniye ighike kumoe, ikemu axinemi xaideghi penike kuluniye ighi ke.”

Rommi 7:9

Ayezah kuha kelo ghuthu lakhi niye xu acheke, ikemu kughou ahza kutsu hu ighive keno, axine puxuvetsu eno niye thikepu shive.