Luke 12:5 - BAIBEL (BSI)

⁵ Ikemu khuu musakepu kela ino nongu pithipe puani. Alhou no pithive kethiu ghi aghakumhami toi kelo vesuvekepu kuka anike pa musalo. Kuchouno ino nongu vilo piani, pa musalo!

Sümi Tiqhelimi Bible

⁵ Ikemu khuu msà kepu keno I no nongu pìyeni: Khuu nongu phimpi pìthíve kethiu ghí amiyizü lo vesüve kulupu kükagha ani keno pa msà lo. Iyei, I no nongu vilo piani, pa msà lo.

Sumi Naga CL (Re-edited) Bible (BSI)

⁵ Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

Luke 12:5 ပူးပေါင်းရင်းမြစ်များ

LESHELE 9:17

Alhou phevekemi ashiayeh eno kusakughami kumtsu Akithi ghimelo wuve nani.

AHOLE 14:26

AMPEU sumsakeu huno timi lakhi pelo eno pa kibo pelo kutami mlo chulu eno sushokulu achenipe.

JEREMIYA 10:7

Khuuno ogihumoni kya? Ashiayeh kumtsu shou akukau? Ogihu kuzuke. Ashiayehqolo alokutsumi gholo momu panoqo kukami gholo milakhimu otoikemi kuhake.

JEREMIYA 41:18

Ikehu panonguye Babilonmi lau wuluveniaye Ijip kudau wunikeu shive. Wuchekelo Bethlehem kupunulo Chimham ipikeu-alo ngoke.

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

MATTHEW 10:28

Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Mark 13:23

Ike kutokupuyi khealo! Hi thwokha kumtsu shimphi lono ino nongu vilo pive ani.”

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.

IBRIMI 10:31

Akuxupu Lhou ulo ikiqi ilolu keuye kumsakimishipu lakhike!

2 Peter 2:4

Kughengu kungumi axine shivekemiqoye Alhou no khilemu qhichemoe, ikemu inhemokeu milo vesuve cheni eno Kughakutha Tsala kheakelo akuzulo tshupe puave cheni.

Piyeküsü 14:7

Pano asutsa kuloghi lono ishi pi. “Alhou sumsalo eno akimthe jekipi pa tsulo, kughengu pano timiqo shou kughatha nikeu tuqhudo ighivae. Kungugha, ayeghi, azughi eno azu pukiqo pano lhotsuke, itsaiqi pa mllalo.”

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Piyeküsü 20:14

Tileno akithi ngo kithila yeghiye amiyizulo vesuve. (Amiyizu hipauye akithi akiniuke.)